Lospalos rcl vp = Ministeriu Edukasaun liu husi Instituisaun Nasional Formasaun Dosentes Profesionais Edukasaun ( INFORDEPE) fo kursu formasaun Espesial Administrasaun no Gestaun Eskolar ba Novos Diretores Eskolar Hamutuk Ema Nain 151 Iha Munisipiu lautem.
Vise Prezidente Gabinete Formasaun Akademika Maria Madalena Lopes hateten objektivu husi formasaun nee atu kapasita ba Diretores sira oinsa atu zere Administrasaun no Gestaun Eskolar nian tuir Kurikulum Nivel Akademiku nian iha Eskola idak-idak
” dirizentes sira mesak foun hotu presija atu kapasita sira liga ho sira nia funsaun liu husi modul 7 nebe sei oferese ba sira atu nune sira halao nia funsaun ho diak iha biban nee Hau mos Apelu ba formandu sira atu Aproveita Oportunidade nee ho diak, nune’e bele aplika informasaun hirak nee ba iha sira nia eskola idak-idak .” Dehan Vise Prezidente Gabinete Formasaun Akademika Maria Madalena Lopes
Cordenadora Pre eskolar Ira- Ara lospalos Ariana Viegas Amaral mos hateten nia parte Agradese ba formasaun nee ,tamba liu husi formasaun sira nee ,bele hetan Informasaun Foun hodi Aplika iha sira nia eskola.
“kona-ba formasaun neebe ami partisipa durante loron 6 ida ne’e ba hau pesoalmente agradese ramba formasaun nee diak tamba bele fo informasaun ba ami dirijentes eskola atu nune ami bele halao ami nia knar ho diak.” Hateten kordenador pre eskolar ira ara lospalos Ariana Viegas Amaral
Directur Eskola Secundaria Geral Nino Konis Santan lospalos Enio Amaral lopes mos Orgulu ba Inisitiva Ministeriu Edukasaun Nian ,ne’ebe bele fo kapasitasaun ba Diretores sira liu-liu direzentes foun eskola nian, oinsa atu halao knar tuir regras Ministeriu nian ho diak.
” Agradese ba governu liu husi ministeriu edukasaun parte infordepe pela primeira vez halo formasaun nee nudar diretor agradese e orgulu ba formsaun nee tamba kapasita ami dirizentes foun eskola, tamba atu serbisu nee lao tenki tuir hierakia nebe iha.” Directur Eskola Secundaria Geral Nino Konis Santan lospalos Enio Amaral lopes
Entertantu : formasaun nee lao ho diak tamba hetan partisipasaun masimu husi Cordendor pre eskolar too Diretores no Adjuntu husi Eskola Ebf, Ebc, Ensinu Secundariu Inklui Tekniku Vokasional.
Jornalista;Veru
Editor;EL
