Lospalos rcl vp 29-05-2025 = Sala de aula iha eskola baziku Filial no 2 Lospalos grave hodi difikulta estudante sira nia prosesu aprendijazen
Koodenador EBF no 2 de Lospalos Saturnino de Castro informa, Kondisaun sala de aula hamutuk 3 mak aat total no difikulta ba estudan te sira atu aprende tamba nee fahe oras ba estudante sira tama aula hodi tuir prosesu aprendijazen.
‘’ durante Kondisaun sala de aula hamutuk 3 mak aat total no difikulta ba estudan te sira atu aprende tamba nee fahe oras ba estudante sira tama aula hodi tuir prosesu aprendijazen,tamba sala hamutuk 9 nebe sira utiliza nee, iha sala tolu mak dadaun nee kondisaun aat total no fo ameansa ba estudante sira iha tempu anin,ho kondisaun hirak nee Ami parte eskola mos relata ona ba Ministeriu Edukasaun atu responde lalais sira nia preokupasaun.’’hateten
Hatan ba preokupasaun ne’e diretur servisu edukasaun Munisipiu Lautem Anibal Fernandes mos hateten , relasiona ho kondisaun eskola iha Munisipiu Lautem nia parte relata ona ba Ministeriu Edukasaun atu bele rezolve ho karakter fazeadamentu tuir kapasidade orsamentu Ministeriu nian nebe mak iha.
‘’relasiona ho kondisaun eskola iha Munisipiu Lautem nia parte relata ona ba Ministeriu Edukasaun katak sei rezolve ho karakter fazeadamentu tuir kapasidade orsamentu Ministeriu nian nebe iha,tamba total edifisu eskola iha muniispiu lautem ita hatama ona ba ministeriu edukasaun liu husi departamentu infrastutura nian depende ba kapasidade orsamentu ministeriu nian, ita espera katak ministeriu sei halo ho fazeadamente.” Dehan diretur servisu edukasaun Munisipiu Lautem Anibal Fernandes
Entretantu :Servisu Edukasaun Munisipal Lautem sei presija tan profesor hamutuk 100 resin hodi koloka ba ensiu baziku 1° no 2° ciclo no 3° ciclo inklui halo supstituisaun ba profesor nebe mate, moras no reforma nune bele kontinua hanorin estudante sira.
