Lospalos rcl vp 01-07-2025=Servisu Munisipál Protesaun Civil no Jestaun Dezastre Naturais Munisipio Lautem, Rejista Dadus Dejastre Naturais husi Janeiru to’o Junho tinan ne’e hamutuk nen nolu resin sia (69).
Diretor Servisu Munisipál Protesaun Sivil no Jestaun Dezastre Naturais Casimero Assunção Pires hateten,Dadus ne’ebe sira rejista ona ne’e hamutuk 69 kompostu husi anin sobu uma 59, ai hanehan uma 2, ai han uma 7, no ida seluk mota lori ema ida iha postu luru.
‘’ Durante ne’e Dadus ne’ebe sira rejista ona iha Protesaun Civil no Jestaun Dezastre Naturais hamutuk 69 kompostu husi anin sobu uma 59, ai hanehan uma 2, ai han uma 7, no ida seluk mota lori ema ida iha postu luru,tamba familia afetadu sira nebe ami Jestaun Dejastre halo ona distribuisaun sasan emergensia nian ba vitima sira, no hein deit material rekoperasaun ba uma nian’’ dehan Diretor Servisu Munisipál Protesaun Sivil no Jestaun Dezastre Naturais Casimero Assunção Pires iha salaun Autoridade postu Administrativo lospalos segunda feira 25/06/2025
Reprejentante Prezidente Autoridade Munisipal Lautem, Olderico Coimbra husu nafatin ba konselho protesaun ba dejastre nian atu halo servisu hamutuk ho Entidades sira hotu nune’e, bele hetan informasaun ne’ebe diak hodi halo atendementu ba komunidade sira ne’ebe, hetan afetadu husi kalamidade, liu -liu iha semana kotuk akontese inundasaun ida iha kapital lospalos.
‘’ hau husu nafatin ba konselho protesaun ba dejastre nian atu halo servisu hamutuk ho Entidades sira hotu nune’e, bele hetan informasaun ne’ebe diak hodi halo atendementu ba komunidade sira ne’ebe, hetan afetadu husi kalamidade, liu -liu iha semana kotuk akontese inundasaun ida iha kapital lospalos’’.hateten Reprejentante Prezidente Autoridade Munisipal Lautem, Olderico Coimbra
Entertantu husi dadus 69 iha uma kain 68 maka hetan estragus husi kalamidade, enkuantu ida seluk korenti mota hamate ema ida iha postu luru, atu informa katak, husi uma kain 68 ne’e at kaman iha 27, at naton iha 8, at total 2, enkuantu uma kain 31 la tama ba kategoria.
Jornalista:silisi
Editor;EL
