Lospalos rcl vp 09-06-2025 = Ministru Estatal halao inagurasaun no Asina Plaka ba Projectu PDIM 4 maka Projectu Rehabilitasaun Ponte Be’e-Moris, Rehabilitasaun Ensinu Báziku Filial Culuhun Lospalos, Konstrusaun Armajen Sekretariadu Tékniku Administrasaun Eleitoral (STAE) no Konstrusaun Mortuariu Sentru Saúde Komunitáriu No.2 Lospalos no serimonia ne’e hala’o iha Aldeia Ponte Be’e-Moris, Suku Fuiloro, Postu Administrativu Lospalos, Munisípiu Lautém.
Ministru Administrasaun Estatal (MAE) Tomás do Rasário Cabral, husu ba Lautém oan sira, tenke servisu hamutuk, atu nune’e Munisípiu bele kompleta ho susesu prosesu avaliasaun ba prienxe kondisaun mínimu ne’ebé presiza atu halo tranzisaun ba Poder Lokál iha tinan 2027, tanba avansa ba poder lokál, kada Munisípiu sira sei iha orsamentu rasik no kbiit atu foti desizaun.
‘’hau husu ba Lautém oan sira, tenke servisu hamutuk, atu nune’e Munisípiu bele kompleta ho susesu prosesu avaliasaun ba prienxe kondisaun mínimu ne’ebé presiza atu halo tranzisaun ba Poder Lokál iha tinan 2027, tanba avansa ba poder lokál, kada Munisípiu sira sei iha orsamentu rasik no kbiit atu foti desizaun,tamba ne’e hau ofisialmente hala’o ona inaugurasaun no asina plaka ba Projetu Planu Dezenvolvimentu Integradu Munisipal (PDIM) hamutuk 4 ba tinan 2024 nian iha Munisípiu Lautém, no hetan bensaun mos husi reverendu Padre 𝐉𝐨𝐬𝐞́ 𝐀𝐠𝐨𝐬𝐭𝐨 SDB.hateten Ministru Administrasaun Estatal (MAE) Tomás do Rasário Cabral 05/06/2025
Entretantu, iha vizita dahuluk Ministru MAE nian iha Munisípiu Lautém ne’e, Ministru ho Ekipa observa direta servisus atendimentu administrativu sira iha eskritóriu Autoridade Munisípiu Lautém nian. Ministru envolve diretamente ho funsionáriu sira atu komprende di’ak liután dezafiu sira iha Munisipio Lautem.
Jornalista;sida
Editor;EL
