Lospalos rcl vp 01-07-2025=Saudozu “Keri Laran Sabalae” sai nu’udar mahein ba eskola Ensinu Báziku Filial, 1.2 Iralafai, nune’e bele inspira ba estudante sira, hodi kuda nafatin lala’ok espíritu Saudozu nian iha futuru, iha Aldeia Iralafai, Suku Bauro, Postu Administrativu Lospalos, Munisípiu Lautém.
Presidente Autoridade Munisipiu Lautem Melio de Jesus ne’ebe jornalista sira hasoru iha eskola Ensinu Báziku Filial, 1.2 Iralafai hateten, nia parte Agradese tebes ba Komunidade sira iha Suku Bauro espesiál iha Aldeia Iralafai, Somocho no Sepelata, ne’ebé deside fó naran Saudozu “Keri Laran Sabalae”, iha Eskola Filial Primeiru siklu no Segundu Siklu iha Aldeia Iralafai sai nu’udar mahein, ba eskola refere.
‘’hau Agradese tebes ba Komunidade sira iha Suku Bauro espesiál iha Aldeia Iralafai, Somocho no Sepelata, ne’ebé deside fó naran Saudozu “Keri Laran Sabalae”, iha Eskola Filial Primeiru siklu no Segundu Siklu iha Aldeia Iralafai sai nu’udar mahein, ba eskola refere,tamba Saudozu “Keri Laran Sabalae” ema ida ne’ebé estadista no organizador, ne’ebé aten brani no asuwain hodi oferese no dedika an tomak ba rai ida ne’e ninia Independénsia, tanba Saudozu hanesan ema Polítiku, ema Visionariu ne’ebé determinante ba dedikasaun tomak ba rai ida ne’e nia di’ak, tanba ho esperansa ida katak ba futuru rai ida ne’e hetan Independente jerasaun foun tuir mai tenke hatene lala’ok espíritu ne’ebé kuda ba prosesu ba libertasaun da pátria ida ne’e, atu liberta Povu ba moris di’ak,no hau mos sujere ba estudante no komunidade sira iha Aldeia Iralafai, tenke banati tuir nafatin Saudozu “Keri Laran Sabalae” nune’e iha futuru bele sai lider ne’ebé di’ak iha era prosesu dezenvolvimentu ne’ebé di’ak ba Povu’’ Presidente Autoridade Munisipiu Lautem Melio de Jesus sabadu 28/06/2025
Entertantu:Presidente Autoridade Munisipal Lautem mos enkoraja ba komunidade sira, atu lori oan sira mai nafatin iha eskola Ensinu Báziku Filial Siklu 1.2 Iralafai nian, tanba Saudozu “Keri Laran Sabalae” nu’udar mahein ona ba eskola Ensinu Báziku Filial Siklu 1.2 Iralafai.
Jornalista:nito
Editor:EL
