RCL VP NEWS 09/09/2021
Asosiasaun Feto ga AFE Municipio Lautem , Iha Tempu badak nia laran Sei hala`o Sensibilijasaun kona ba Ambiente Saudavel , hodi bele Konsensilija Comunidade Sira , atu tau matan ba Animal Haki`ak Sira , hanesan Kuda Karau no Fahi , tamba durante ne`e Comunidade Sida`uk iha Konsiensia husik Animal sira Tama sai Vila hodi Estraga Ambiente Cidade nian .
Prejidente Asosiasaun Feto Municipio Lautem Ligia Maria de Fatima ba Jornalista RCL Tersa Feira 07/09/2021 ne`e hateten katak , Actividade Sensibilijasaun ne`e sei hala`o iha Aldeia 3 Kompostu husi Aldeia Nakroman , Bemoris no Sentral nebe Pertense iha Suco Fuiloru Posto Administrativo Lospalos , Municipio Lautem.
Prejidente AFE Municipio Lautem ne`e mos hateten katak , Actividade Sensibilijasaun ne`e hala`o iha Aldeia 3 ne`e tamba , Area ne`e mak Besik liu Cidade , ne`e duni ho Sensibilijasaun ida ne`e bele konsensialija Komunidade sira bele hatene oinsa bele tau matan ba Animal Hakiak no lisu sira labele husi Aqrbiru iha Cidade laran .
‘’ Actividade Sensibilijasaun ne`e hala`o iha Aldeia 3 ne`e tamba , Area ne`e mak Besik liu Cidade , ne`e duni ho Sensibilijasaun ida ne`e bele konsensialija Komunidade sira bele halo`ot Lixu Iha ni fatin , no Sulan Animal Hakiak sira atu labele Husik livre iha Sidade , nune`e Ambiente cidade bele Buras no Saudavel ‘’ Dehan Presidente AFE Municipio Lautem ba Jornalista RCL Tersa Feira 07/09/2021 ne`e.
Ligia Maria de Fatima ne`e mos Declara katak , Orsamento nebe atu Suporta Actividade Sensibilijasaun ne`e mai Husi Pontu Vokal Sekretariado Estado Igualidade no Inklujaun ga SEII Municipio Lautem ho Montante Doalares Americano Atus Lima ($500.00) nebe mak Kobre ba Aldeia 3 Iha Suco Fuiloru .
‘’ Orsamento nebe Pontu Vocal Secretariado do Estado Igualidade no Inklujaun Municipio Lautem Suporta ba AFE hodi hala`o Sensibilijasaun iha Aldeia 3 Ne`e ho montante Dolares Americano Atus Lima ($500.00) Maske Orsamento ida ne`e la sufisiente , maibe ida nemak Posibilidade nebe mak sira iha ‘’ Ligia Declara .
Entretantu: Objetivo Prinsipal Husi Implementasaun Programa Sensibilijasaun ne`e Atu Konsensialija no Informa Komunidade Sira Atu bele halo`ot Lisu iha Nia Fatin , no labele Husik Animal Hakiak sira la`o iha Fatin Publico Sira .
JORNALISTA ; syda&linda
EDITOR ; NASCIMENTO PROVINCIAL
