Lospalos 12/01/2021
Komunidade balum iha municipiu lautem tau questaun ba jestaun distribuisaun Cesta Bazika iha teritorio Timor-Leste tamba ladun fo benefisu ba povu sira nia moris , maibe hariku fali kompainia sira nebe governu identifika ona .
Komunidade ida husi aldeia central , suku fuiloro , postu administrativu lospalos , municipiu lautem Idefonsu Ribeiru ba jornalista Rcl iha nia knar fatin tersa feira ne’e hateten katak , politika governu nian nebe atu distribui aihan lokal liu husi programa cesta bazika ba benefisiariu sira iha teritorio timor-leste ne’e ladun diak ba povu sira nia moris , tamba politika refere la’os atu fasilita povu sira nia moris ho diak / maibe hariku fali kompanya sira .
Iha Sorin seluk komunidade ida husi suku muapitine , postu administrativu lospalos , Belita Santana Lopes , haktuir katak , jestaun ba distribuisaun cesta bazika ladun diak ba povu sira nia moris, tamba governu oferece fali aihan balum ne’ebe komunidade sira nian iha .
Entertantu : dadaun ne’e , governu timor-leste liu husi kompania nebe Hetan Fiar husi Governo , hahu distribui ona sasan sexta baziku ba benefisiario sira iha Suco Balun iha municipiu lautem .
JORNALISTA MARITO BERNADINO
EDITOR;NASCIMENTO PROVINCIAL
