Pehefitu Muapitine RCL VOX POPULY 17-04-2023 = Servisu iha rai Inglaterra durante tinan 10 ho Rejultadu Osan hodi Estabelese Industry Muapitine Candlenut Oil (Sigla Ingles) no fo Servisu ba nia maluk Dezempregu sira liu husi Prrodusaun Mina Nù no Kamì no Diversifika Ekonomia Agrikultor sira iha Suco Muapitine.
Diretòr Kompaiñia Industry Muapitine Candlenut Oil (Sigla Ingles) Hendrikus dos Santos ba Jornalista RCL iha Aldeia Pehefitu , Suco Muapitine Lospalos hateten , ho Rejultadu husi nia servisu durante tinan Sanolu (10) iha Inglaterra , ho rejultado Osan Kuaje Rihun Hitu nolu ($70.000.00) bele estabelese rasik Industry Muapitine Candlenut Oil (Industry Sigla Ingles) no loke kampu Servisu ba nia maluk sira iha Suco Muapitine , Postu Administrativu Lospalos , Municipiu Lautèm kuaze tinan ida ona , ho Salario Trabailador Standarte ho Salariu Minimu ne`ebe SEFOPE Estabelese ona.
‘’ Fou-foun hau Bingun atu hakat dalan ida ne`ebe , maibe derepente Hanoin Inovativu mosu iha hau laran , nune`e hau ba Servisu iha Malae sira nia rai England durante tinan 10 . ho Rejultado husi hau nia Servisu , hau konsege hetan osan $ 70.000.00 , montante osan ida ne`e ita hetan liu husi susar no tèrus Pior liu mak ita husi Familia tomak iha Knua rasik ba rai dòk maibe hau bele uja osan ne`e ba ema hotu , hodi bele aproveita liu husi hau nia Fàbrika Produsaun Mina Nù no Kamì , no Hau nia maluk sira ne`ebe servisu ho hau mòs hetan Netik osan husi Servisu iha iha Fabrik aida ne`e . la`os ida ne`e de`it , maibe ho Fabrika Produsaun ne`ebe hau iha bele Diversika Ekonomia liu husi Sosa Produtu Agrikultor sira hanesan Nù , Kamì no Marungia , tamba ho ida ne`e mak hau tau hamutuk hodi Produs Mina tonelada ba tonelada , no konsege tama iha Mercado Local no Nasional , no ba oin Wainhira hau nia Fàbrika ne`e bo`ot no Buras ba bebe`ik hau sei aumenta hau nia Trabaildor sira , hodi aumenta Kualidade no kuantidade Produsaun no lori hau nia Produtu ba Mercado Internasional , no hau sei valoriza Produtu Local husi Agrikultor sira iha Municipiu Lautèm , liu-liu iha Suco Muapitine ne`e rasik.’’ Hateten Diretòr Kompaiñia Industry Muapitine Candlenut Oil (Sigla Ingles) Hendrikus dos Santos ba Jornalista RCL iha Aldeia Pehefitu , Suco Muapitine Lospalos.
Reprejentante Trabailadora ida ho naran Bernadeta de Jejus mòs hateten , nia parte sente kontente ho Industry Muapitine Candlenut Oil (Sigla Ingles) , tamba ho nia Prejensa ,bele kria kampu servisu ba sira to`o ohin loron
‘’Hau Reprejenta hau nia Maluk Trabaildor sira hamutuk Na`in 8 sente kontente no orguilho , no ami mòs agardese ba Fàbrika na`in tamba ho nia Prejensa ,bele kria kampu servisu ba sira ami to`o ohin loron , no ami bele hetan Netik osan husi ami nia Servisu ida ne`e , hodi sustenta nececidade familia uma laran nian , ami mòs agradese dala ida tan ba Fàbrika na`in , tamba maske ho nia kosar bèn no esforsu rasik iha Inglaterra , maibe nia rejutado la`os ba nia Àn de`it , maibe ba ami hotu.’’ Tenik Bernadeta.
Entretanto; Ida ne`e Ejemplu diak ida ba Joven sira hotu , tamba Joven na`in Rua husi Municipiu Lautèm , ida Husi Kompaiñia Soru Coconut Oil no ida agora Kompaiñia Industry Muapitin Candlenut Oil (Sigla Ingles), no bele Atrai Joven hotu iha Municipiu Lautèm atu banati Tuir , maske la`os Fabrika no Industria maibe bele halo buat seluk iha nia rain rasik , hodi hakribi Violensia.
Jornalista ; SdC
Editor ; NP
