Tuir Planu iha tinan rihun rua ruanolu resin ida nia laran, servisu Centru Dezenvolvimentu Juventude ga CDJ Municipiu Lautem sei hari’i biblioteka no loja produsaun lokal iha municipiu Lautem.
Gestor programa CDJ Municipiu Lautem, Idefonsu Ribeiru ba jornalista rcl iha nia knar fatin tersa feira ne’e hateten katak, tuir planu servisu CJD municipiu Lautem sei hari’i biblioteka ida iha municipiu Lautem, hodi bele fasilita juventude no estudante sira, atu oinsa bele hasae sira nia konhesimentu iha area edukasaun nian.
Ildefonsu ne’e mos haktuir tan katak, sira mos sei hari’i tan loja produsaun lokal nian iha municipiu Lautem,hodi bele fasilita juventude sira oinsa bele lori sira nia rejultado kreatividade no aihan lokal nebe sira produs ona ba iha merkadoria, tamba dadaun ne’e servisu CDJ municipiu Lautem oferece ona fini modo nian ba juventude agrikultores sira iha municipiu lautem.
Entertantu : planu hirak ne’e,hanesan palnu ba Hasa`e Economia no hasa`e Kualidade Edukasaun ba Juventude sira nian iha Municipio Lautem .
JORNALISTA MARITO BERNADINO
EDITOR;NASCIMENTO PROVINCIAL
