LOSPALOS 21 – 01 – 2021
Periodu Orienatasun sai hanesan Periodu nebe Importante ba Alunus Foun iha Ensino Tecnico Agrikola ga ETA Don Bosco Fuiloru Lospalos ,tamba Alunus Sira bele konyese Ambiente Escola no Regras Escola nian ,no Liu husi Orientasaun ne`e Mos Escola Bele Prepara no Motiva Alunus foun sira atu iha Interese ba Escola Agrikola nian .
Director Ensino Tecnico Agricola ga ETA Don Bosco Fuiloru Padre David Souja SDB ba Jornalista RCL iha nia Kna`ar Fatin Fuiloru Quinta Feira ne`e hateten katak ,Alunus Foun Sira hahu Tama ona Iha Kolegio iha Loron Sanolu Resin Hitu , no Tuir Prosesu Orientasaun iha Loron Segunda Feira , no Remata Ona iha Quarta Feira semana ne`e.
Director ETA Don Bosco Fuiloro ne`e mos hateten tan katak ,Hahu Husi Loron Sanolu Resin Walu Fulan Janeiro tinan ida ne`e Parte Escola Orienta Labarik sira oinsa bele hatene Ambiente Escola Agricola nian .
Padre David Souja SDB Ne`e mos hateten katak , Periodu Orientasaun ne`e mos Importante ba Escola ,oinsa Bele Orienta no motiva labarik sira atu iha Interese ba Escola Agricola.
Entretanto ; Hafoin Orientasaun Alunus Foun Sira, Escola ne`e kontinua Orienta Alunus Sira Hotu iha ETA Don Bosco Fuiloru hodi hala`o Limpeja iha Aredores Escola nian , no Prosesu Aprendijajen ho lolos ne`e sei hahu iha Semana oin mai.
JORNALISTA SINTA DA COSTA
EDITOR;NASCIMENTO PROVINCIAL
