LOSPALOS 21/01/2021
Hahu husi fulan janeiru to’o Maio tinan ida ne’e , Cuz Vermelha De Timor-Leste ga CVTL filial lautem sei kontinua dezamina medidas prevensaun surtu kovid sanolu resin sia nian ba komunidade sira iha postu haat kompostu hosi postu administrativu Lospalos , Lautem , Tutala no Iliomar , atu sira bele kontinua mantein halo aktu prevensaun ba sira nia a’an rasik.
Coordenador CVTL filial Lautem , Luis Manuel Pereira ba jornalista Rcl iha nia knar fatin quinta feira ne’e hateten katak , tinan ida ne’e servisu CVTL filial Lautem hetan apoio orasamentu hamutuk rihun rua , atus haat , walu nolu dollares amerikanu husi Cruz Vermelha Internasional Federasaun hodi , kontinua dezamina informasaun ba medidas prevensaun surtu kovid Sanolu Resin Sia ba komunidade no estudante sira iha municipiu lautem , hodi mantein akto prevensaun ba ida- idak nia a’an.
Luis mos haktuir tan katak , servisu CVTL filial Lautem mos sei oferece formasaun ba Leader Komunitario no voluntario CVTL filial sira konba medidas prevensaun surtu kovid Sanolu Resin Sia nian , antes implementa programa dezaminasaun medidas prevensaun surtu kovid Sanolu Resin Sia ba komunidade sira iha municipiu Lautem.
Coordenados CVTL filial Lautem ne’e mos deklara katak , suku sanolu ne’ebe sai area tarjetu ba implementasaun programa dezaminasaun medidas prevensaun surtu corona virus ne’e,kompostu husi suku rua iha postu administrativu tutuala , tolu iha postu administrativu Lautem , rua iha postu Iliomar no tolu seluk iha postu administrativu Lospalos.
Entertantu : iha loron rua nolu resin ne’e fulan janeiru tinan ida ne’e , servisu CVTL filial lautem sei oferce formasaun konba lalaok dezaminasaun medidas prevensaun surtu kovid sanolu resin sia nian ba voluntario sira, antes implementa deziminasaun iha postu nebe maka identifika ona .
JORNALISTA MARITO BERNADINO
EDITOR;NASCIMENTO PROVINCIAL
