LOSPLOS11/02/2021
Administrador municipiu Lautem , husu ba professores no funsionario Edukasaun Municipiu Lautem nian atu kopera nafatin ho Director Edukasaun foun , tamba ho Ita nia hamutuk maka bele atinje objektivu Edukasaun nian ba oin.
Lia hirak ne’e hato’o husi Administrador Municipiu Lautem , Domingos Savio hafoin fo Pose ba Director Edukasaun Foun iha salaun Edukasaun Municipiu Lautem Quarta feira lokaraik.
Administrador ne’e mos haktuir tan katak , bazea ba moto municipiu Lautem nian katak hamutuk Lautem forsa , Forsa hamutuk Lautem Bele, tan ne’e professores no funsionario edukasaun nian tenke kontinua servisu hamutuk ho director foun , hodi bele jere Edukasaun Municipiu Lautem ba oin.
Administrador ne’e mos husu mos ba professores no funsionario edukasaun municipiu Lautem nian atu Labele aplika grupu , rasa , kultura ,relijiaun no klasse iha servisu fatin tamba Instituisaun ne’e laos kompainia , maibe Instituisaun Estadu nian.
Entertantu : Administrador Municipiu Lautem Mos Husu Ba Funsionario Edukasaun Municipiu Lautem Nian Atu Hamutuk Hodi Lori Edukasaun Municipiu Lautem Sai Kualidade Iha Timor-Leste.
