LOSPALOS 15/02/2021
Atu aumenta Kapasidade Juventude sira iha area Lingua Ingles no Komputador iha Municipio Lautem, Centro Dejenvolvimento Juventude ga CDJ Municipio Lautem , hahu Hikas fo Formasaun ga Kursu ba Juventude Feto Mane hamutuk 97 , husi Inisio Janeiro tinan ida ne`e , tamba Nasaun Ogora Presija liu mak Rekursu Humano nebe Preparado.
Responsavel Juventude Creativu no Kapasitasaun Centru Dejenvolvimento Munisipio Lautem Ermenejildo Gomes nebe jornalista RCL hasoru iha nia serviso fatin segunda feira nee hateten katak , Kursu Ingles nebe Centro Dejenvolvimento Juventude ga CDJ Municipio Lautem oferese ne`e Atu Aumenta Konyesimento Juventude Sira , nune`e bele Utilija ba Sira nia Moris iha Futuru.
Ermenegildo Gomes mos Informa katak , Husi Juventude 97 nebe Registardo ne`e fahe ba Programa Rua mak hanesan 38 ba Kursu komputador , no Ingles hamutuk 59 , no Programa ida ne`e partisipantes sira hatama osan Administrasaun nian ba CDJ .
Iha sorin seluk Zacarias da Costa Nudar Partisipante Kursu Ingles hateten katak , nia parte Sente Orguilho ho Kursu ida ne`e , tamba Liu husi Kursu ne`e Bele Dejenvolve nia a`n iha Futuru.
Entertantu ; juventude sira nebe mak tuir kursu ingles no komputador iha centru dejenvolvimento juventude munisipio lautem nee balun sei eskola no balun akaba ona Ensino Sekundaria.
JORNALISTA ERMELINDA DA SILVA PEREIRA
EDITOR;NASCIMENTO PROVINCIAL
