LOSPALOS 18/02/2021
Administrador Municipiu Lautem husu ba komunidade tomak, atu hahu kuda aihan lokal no hakiak animal sira, hodi hasa’e Ekonomia ba an rasik , Tamba Situasaun Pandemia nee Sei kontinua to’o tempo nebe Ita hotu sida`uk hatene.
Lia hirak ne’e hato’o husi Administrador Municipiu Lautem , Domingos Savio Liu husi distribuisaun cesta bazika iha Sede Suku Rasa Postu Administrasaun Lospalos Municipiu Lautem quinta feira 18/02/2021.
Administrador mos haktuir tan katak , atu Povu Municipiu Lautem la bele halerik tan ba aihan iha situasaun kovid 19 ne’e ,komunidade rasik tenke hahu kuda ona aihan Local Iha ida-idak Nia toos, nune`e bele konsumu iha tempo nebe difisil.
Administrador ne’e akrecenta tan katak , karik situasaun corona virus ne’e akontece bebeik iha rai laran , Komunidade Municipiu Lautem mak fo hahan fali ba municipiu sira seluk , tan ne’e nia husu komunidade sira hahu kuda ona aihan lokal no hakiak animal sira ,atu nune’e governu bele sosa hodi distribui fali ba komunidade sira iha municipiu seluk.
Entertantu : atu la bele depende ba governu iha situasaun corona virus ne’e , komunidade municipiu Lautem tenke Badinas hodi halo to’os no Natar atu bele atende ba nessesidade ida-idak nian.
JORNALISTA MARITO BERNADINO
EDITOR;NASCIMENTO PROVINCIAL
