LOSPALOS 24/02/2021
Atu Evita Transmisaun Covid-19 tama iha Municipio Lautem ,Segunda Feira Semana ne`e Governo Liu husi Comisaun Prevensaun Covid-19 Iha Municipio Lautem , Hatama ona Negosiantes husi , Municipio Bobonaro hamutuk 44 ba Auto Atu Kuarentina iha Culuhun Lospalos , Nacroman Lospalos no Posto Administrativo Iliomar Municipio Lautem , maibe Governo Abandona hela sira.
Enquantu Sidadaun Hirak Ne’e Halo Negósiu Hodi Fan Sasán Ho Kareta No La’o Ain hodi kombre Postu Administrativu Lima Iha Munisípiu Lautém.
Vendodores Husi Bobonaru Miguel Mao Ho Alvaro Dos Santos Ba Jornalista Rcl Iha Fatin Auto Kuarentena Aldeia Nakroman Suku Fuiloro Postu Aadministrativu Lospalos Muncipiu Lautem Tersa Feira Ne’e Hateten Katak , Maske Sira Ema Bobonaru Maibé , Hela Kleur Ona Iha Dili , Hodi Fa’an Sasán , No Sira Mai Fa’an Mós Iha Munisipio Lautém ,Maibe Governu Lokal Municipiu Lautem Kaer Sira Hodi Halo Auto Kuarentena Ba Negosiantes Hirak Ne’e , Nune’e Susar Tebes Hodi Hetan Aihan Ruma Hodi Sustenta Nia Moris Loro-Loron Durante Loron 14.
Hatan Ba Questaun Ne’e ,Administradór Munisípiu Lautém Domingos Savio Hateten Katak , Sira Ne’e Auto Kuarentena Hela iha Uma Bele Buka Hahán , Tamba Moras Ne’e Perigu Ho Nune’e , Tenkiser Halo Prevenesaun Duque Halo Kurativu , Tamba Ne’e Guvernu Lokal Tenke Halo Auto Kuarentena Ba Sira.
Entertantu : Nogosiante Bobonaru Hamtuk 44 Ne’e , na`in 20 Halo Auto Kuarentina Iha Aldeia Nakroman , 11 Iha Aldeia Kuluhun Suku Fuiloro Postu Administrativu Lospalos , No 13 Iha Postu Administrativu Iliomar Municipiu Lautem.
JORNALISTA EVARISTO LOPES
EDITOR;NASCIMENTO PROVINCIAL
