LOSPALOS 04/03/2021
Governu Timor-Leste liu husi Servisu Equipa prevensaun kovid19 municipal , autoriza ona negosiante Hat Nolu Resin Hat husi municipiu Bobonaru nebe hala’o Auto Kuarentena iha aldeia nakroman , kuluhun postu administrivu Lospalos no postu iliomar municipiu Lautem , hodi kontinua hala’o hikas aktividade negosio iha municipiu Lautem , Tamba sira nia rezultadu teste hatudu Negativo ba Covid-19.
Administrador Postu Administrativu Lospalos , Tadio Lopes Ba Jornalista RCL Iha Aldeia Nakroman Suku Fuiloro Postu Lospalos Hateten Katak , Bazea Ba Rezultadu Teste Kovid19 Nian Husi Ministerio Saude Katak Vendedores Hirak Ne’e Negativu Hotu Ba Kovid19 , Tan Ne’e Governu Lokal Ho Parte Siguransa Iha Municipiu Lautem Fo Hikas Oportunidade Ba Sira Hodi Kontinua Hala’o Aktividade Negosia Hanesan Bai-Bain Iha Municpiu Lautem , Maibe Tenke Kompri Nafatin Regras Ministerio Saude No Organizasaun Saude Mundial Fo Sai.
Iha Fatin Hanesan Vendedor Husi Municipiu Bobonaru Ho Naran Miguel Mao Hateten Katak , Sira Sente Orguilho No Agradese Tamba Governo Lokal Fo Ona Livre Ba Sira Hodi Kontinua Hikas Aktividade Negosia Iha Municipiu Lautem.
Entertantu : Depois Governu Lokal Municipiu Lautem fo autorizasaun ba Vendedores husi Municipiu Bobonaru nain haat nolu resin haat hodi hala’o hikas negosio iha municipiu Lautem , negosiante nain sanolu resin ida deside fila hikas ba sira nia municipiu , no sira seluk kontinua hala’o aktividade negosio iha municipiu Lautem.
JORNALISTA MARITO SAVIO
EDITOR;NASCIMENTO PROVINCIAL
