Director Servisu Municipal Sa`ude ga SMS , Municipio Lautem Quarta Feira 10/3/2021 , Ofisialmente Entrega tutan ona Kareta Multi Fungsaun ba Centro Sa`ude Internamento Lospalos , nune`e Fasilita Comunidade Sira nebe Presija Tulun //
Chefe Centro Saude Internamento Lospalos , Justino dos Santos Liu husi Serimonia de Entrega ne`e hateten katak , nia parte Agradese tebes ba Kareta Multi Fungsaun Foun nebe sira hetan , tamba Durante Tinan Rua nia laran Kareta Multi Fungsaun nebe sira iha Avaria , nune`e Difikulta Servisu Transportasaun Moras la la`o ho Efectivo .
Chefe Centro Sa`ude ne`e mos argumenta katak , ho Kareta foun nebe Centro Saude hetan ne`e bele ajuda ona sira nia Servisu hodi atende Comunidade nebe Moras iha nivel Suco nebe Pertense iha Posto Administrativo Lospalos .
Iha Fatin Hanesan , Director Servisu Municiapal Saude Bernardo Amaral Lopes hateten katak , Kareta Multi Fungsaun Foun ne`e , Servisu Municipal Saude Simu iha Semana Rua Liu ba , nebe ajuda husi Bangku Mundial liu husi Ministerio Saude , nune`e tengki Utilija didiak Kareta ne`e tuir nia Fungsaun .
Liu husi Serimonia ida ne`e mos Administrador Municipio Lautem Domingos Savio husu ba Fungsionario liu-liu motorista Kareta Multi Fungsaun atu Uja Patrimonio Estado tengki Uja ho Kuidadu , no ho Responsabilidade.
Entretanto; Cerimonia Entrega ne`e hala`o iha Centro Saude Internamento Lospalos nebe partisipa masimo husi Medico , Parteira no Imfermeira sira nebe hakna`ar an iha Centro Saude Internamento Lospalos , Municipio Lautem .
JORNALISTA ; SINTA DA COSTA
EDITOR; NASCIMENTO PROVINCIAL
