RCL VP NEWS 05/04/2021
Atu hato`o Ideias ba Malu entre Membro Equipa Task Force Municipio Lautem kona ba Progreo Servisu , no Oinsa Kria Servisu hamutuk nafatin hodi Prevene Povu Municipio Lautem Husi Transmisaun Local Covid-19 mak sai Objetivo ba Soru Mutu Euipa Task Force ho Membro tomak nebe mak hala`o iha Salaun Administrasaun Munipio Lautem Segunda Feira 05/04/2021 ne`e.
Administrador Municpio Lautem Domingos Savio Liu husi Encontro ne`e hateten katak / liu husi Encontro ne`e Oinsa ita hotu bele Guarda Masimo ba Prestasaun Servisu Equipa nian nebe dada`un ne`e iha Ona , no haforte diak Liu tan Ita nia Servisu Hamutuk hodi tau matan ba ita nia Pontu Entrada Sira nebe Identifikado ona .
‘’ho Encontro ida ne`e ita atu alerta tan ba malu no halo avaliasaun kona ba servisu nebe durante ne`e ita halo , nune`e ita bele guarda masimo no hametin liu tan Servisu Equipa Tasks Force nian hodi asegura ita nia Sidadaun sira iha Municipio Lautem , hodi hala`o nia Actividade hanesan bain-bain , tamba liu husi Servisu hamutuk ita bele hatudu ona Prestasaun nebe diak liu ba Ema Hotu ‘’ Katak Administrador Municipio Lautem liu husi Encontro Avaliasaun Equipa Task Force Prevensaun Covid-19 iha salaun Administrasaun Municipio Lautem ‘’
Administradaor ne`e mos declara katak , Ita hotu agradese ba Rejultado Amostra ga sampel Primeiro no Segundo nebe Teste iha Laboratorio Nasional hatudu Negativo , maske Ita Municipio Lautem Regista ona Kazu Pojitivo ida .
‘’ Hau Agradese ba Informasaun husi Servisu Sa`ude Municipio Lautem katak , Rejultado Teste ga Amostra Primeiro no Segundo nebe transporta ba Laboratorio Nasional Negativo Hotu , ho Nune`e ita bele Hatudu Ona Komitmento no Prestasaun Servisu nebe Diak , maske iha Kondisaun nebe Minimo , nune`e Husu nafatin ba Equipa Task Force atu Mantein nafatin hodi halo Vijilansia Masimo iha Ita nia Municipio ida ne`e ‘’
Entretanto; Econtro ida ne`e hanesan Parte ida husi Avaliasaun Equipa Task Force nia Servisu hodi asegura ema hotu iha Municipio Lautem husi Transmisaun Local Covid-19 , no Encontro ne`e Partisipa Husi Administrador Posto Administrativo ga APA Na`in Lima , Conselu Vetearnos , Polisia , Bombeiros Parte Igreja , Parseiro Servisu sira no Directores Municipal Sira .
JORNALISTA ; SINTA DA COSTA
EDITOR ; NASCIMENTO PROVINCIAL
