RCL VP NEWS 15/04/2021
Autoridade Municipal Municipio Lautem , Hamutuk ho Reprejentante Organijasaun Mundial Sa’ude no Parte Igreja Quinta Feira 15/04/2021 Ne`e , hala`o Cerimonia Lansamento Vasinasaun Astrazeneca ba Covid-19 iha Centro Sa’ude Internamento Lospalos Municipio Lautem .
Vasinasaun Covid-19 ba Dahuluk ne`e Fo Prioridade ba Servisu Linha Frente Sira , liu-liu ba Profesional Sa`ude , Polisia , Media , no Autoridade Municipal Sira iha Municipio Lautem .
Reprejentante Organijasaun Mundial Sa`ude ga OMS Mateus Cunha Liu husi Cerimonia Lansamento ne`e hateten katak , Loron ida ohin hanesan Loron Importante ba Povu Sira Tomak , hodi Bele halo Asaun Kontra Hasoru Covid-19 liu husi Vasinasaun .
Reprejentante OMS ne`e mos hateten katak , Relasiona ho Kaju Pojitivo Covid-19 iha Nasaun Timor Leste aumenta ba Nafatin , Nune`e Governo Timor Leste Liu husi Ministerio Sa`ude Servisu hamutuk ho Organijasaun Mundial Sa`ude no Agensia Internasionais Sira Seluk hala`o Lansamento Fasinasaun iha Loron 7 Fulan Abril 2021 iha Dili , Nune`e Municipio Lautem foin Lansa ba Loron Ohin .
Iha Fatin hanesan Director Servisu Municipal Sa`ude Municipio Lautem Bernardo Amaral Lopes Hateten katak , Nia Parte Agradese wai`n ba Administrador nebe Nudar Autoridade Masimo iha Municipio Lautem , Autoridade Seguransa , Parte Igreja , Equipa Linha Frente , no Organijasaun Mundial Sa`ude tamba Liu husi Sira nia Servisu hamutuk ita bele lansa Vasinasaun iha Municipio Lautem .
Bernardo mos Declara katak , maske dala Barak ema la tau Konsiderasaun ba ita nia Servisu , maibe Tengki Servisu Bajeia ba Juramento durante sai nudar Agente Estado no Profesional Sa`ude .
Entretanto ; ba Linha Frente Sira nebe Simu ona Vasinasaun atu labele Simu De`it Vasinasaun , maibe Ita iha Obrigasaun atu hatutan Informasaun kona ba Importansia Husi Vasinasaun Covid-19 ne`e ba Comunidade Sira nebe sei Simu iha Etapa Tuir Mai .
