RCL VP NEWS 22/03/2021
Polisia Nasional Timor Leste PNTL Municipio Lautem , Kontinua hala`o Sensibilijasaun ba Comunidade Sira kona ba Protokolu Ministerio Sa`ude no Organijasaun Mundial Sa`ude Fo Sai, Nune`e Comunidade Sira Bele hamutuk hodi kombate Covid-19.
Comandante Polisia Municipio Lautem , Superintendente Polisia Antonio Rego Fernandes ba Jornalista RCL hateten katak , Polisia Municipio Lautem Kontinua Sensibilija Informasaun ba Komunidade Sira kona ba Acto Prevensaun Transmisaun Local Covid liu husi Uja Mascra , Distansiamento Fijiko no Fase Liman bebe`ik ho Sabaun ho Be`e Nebe Suli.
Superintendente Polisia ne`e mos Husu ba Comunidade Sira atu Nafatin Kumpri Regras nebe iha, nune`e ita hotu bele Kombate Transmisaun Local Covid-19 iha Municipio Lautem.
Comandante Polisia Municipio Lautem mos Declara katak, Parte Siguransa Kontinua Asegura Siguransa iha Pontu Entrada Laivai , hodi kontrola Ema no Transporte sira nebe tama no Sai husi Municipio Lautem.
Entretanto; Comunidade nebe Tama no Sai Husi Municipio Lautem ba Kapital Dili tengki iha Karta Autorijasaun husi Governo liu husi Centro Integrado Gestaun Crize Nasional , maibe tengki ho Viajen Importante no Urgente.
Jornalista Evaristo Lopes
Editor Nascimento Provincial
