RCL VP NEWS 29/05/2021
Autoridade Municipio Lautem hamutuk ho Lia Nain Sira Iha Municipio Lautem , halao serimonia Matak malirin ba Uma Deskansan Rua nebe Konstrui Iha Pontu Entrada Laivai / Lautem hodi fo mahon ba Cidadaun Municipio Lautem nebe Mai husi Area Afetado Covid-19 antes Tama Iha Municipio Lautem.
Uma ho Medida 15×6 no 9×6 nee Konstrui durante loron 19 Nia laran nebe hahu husi loron 10 no Remata Iha loron 29 Fulan Maio tinan Ida nee.
Administrador Municipio Lautem Dominggos Savio Liu husi Cerimonia nee hateten katak, Konstrusaun Uma Ida nee parte Ida husi Prevensaun Covid-19 Iha Municipio Lautem,tamba ho Uma Ida nee bele fasilita Equipa Saude Sira no Cidadaun nebe Mai husi area Afetado hodi sai Fatin deskansa ho dignu antes Tama ba Municipio Lautem.
Administrador nee mos hateten katak, Atu halo Prevensaun no Mitigasaun Covid-19 ho Diak , presija asegura Pesoal Seguransa no Pesoal Saude Sira nebe koloka Iha Pontu entrada, Liu husi Uma nebe Mak Konstrui ona,nunee mos bele fasilta Cidadaun Sira Deskansa antes hetan autorijasaun husi Pesoal Saude Atu Tama Iha Municipio Lautem.
Iha Fatin hanesan Chefe Suco Ililai Laivai Luis Januario de Fatima da costa hateten katak, Nudar Autoridade Comunitaria Iha Pontu Entrada Laivai Lautem husu Deskulpa ba Lia Nain Sira Hotu Iha Municipio Lautem tomak Tamba labele hola Parte iha Cerimonia Matak malirin Ida nee, Tamba Situasaun Covid-19 halo Ita labele hamutuk hodi hamulak hamutuk.
Entetanto; Cerimonia Matak Malirin ne’e labele Involve Ema barak, Tamba Timor Leste liu-liu Municipio Lautem sei iha periodu Estado de Emergensia Nia laran hodi Prevene Transmisaun Local Covid-19.
