rcl vp news 01/06/2021
Grupu Trabailho Genro iha Misterio Administrasaun Estatal , Tersa Feira 01/06/2021 ne`e hala`o Treinamento Loron ida kona ba ba Grupu Feto Potensial Sira iha Municipio Lautem , hodi hasa`e Konyesimento Feto Sira nian iha Vida Politika no Ekonomia.
Directora Nasional Planiamento no Avaliasaun Olavia Marques ba Jornalista RCL hateten katak , Treinamento ida ne`e ho Objetivo atu habelar Informasaun no kapasita Feto maluk sira atu ha Konyesimento diak liu tan , hodi Involve A`an iha Vida Politika no sai Lideransa nebe dia`ak .
Directora ne`e mos Afirma tan katak , liu husi Treinamento ida ne`e mos bele Enkoraja Maluk Feto sira atu Bele hasa`e diak liu tan Kapasidade , nune`e bele Prontu hodi involve iha Vida Politika , no sai Lider nebe dia`ak iha Futuru
No Treinamento ida ne`e Realija tamba Servisu hamutuk Entre Ministerio Administrasaun ho Administrasaun Municipio Lautem no Secretariado Estado Igualidade no Iklujaun Municipio Lautem.
Directora nebe mos Nudar Pontu Vocal Generu iha Ministerio Administrasaun Estatal hateten katak , Treinamento ida ne`e sei la Para iha ne`e De`it , maibe sei to`o iha Area Rural , hodfi Nune`e Feto Sira iha area Rural bele brani hodi Involve iha Vida Politika iha Nasaun ida ne`e .
Entretanto , Treinamento Loron ida nebe Hala`o iha Salaun Administrasaun Municipio Lautem ne`e , la`o ho Di`ak tamba Partisipates Sira Kumpri Nafatin Distansiamento Fijiko no Uja Mascra ba Protokolu nebe iha .
Jornalista Sinta Da Costa
Editor Nascimento Provincial
