RCL VP NEWS 17/06/2021
Abitante ida iha Centro Ijolamento AVR Lospalos , Municipio Lautem ho Inisial PX , iha Tuku 7 kalan Halai sai Husi Fatin Ijolamento iha Segunda Feira 14/06/2021 Semana ne`e , no halo Kontakto Direita ho Familia balun iha area Sawarika , Aldeia Lospala , Suco Fuiloro Postu Administrativo Lospalos .
Akontesimento ne`e Konsege hetan atuasaun Husi Equipa Konjunta Entre Parte Polisia ho Sa`ude nian hodi Evakua Kedan Abitante Ijolamento ho Inisial PX tama hikas iha Fatin Ijolamento AVR Lospalos , Municipio Lautem .
Comandante Polisia Municipio Lautem Superintendente Polisia Antonio Rego Fernandes ba Jornalista RCL Quinta feira 17/06/2021 ne`e Declara katak , Akontesimento ne`e Akontese iha Segunda Feira 14/06/2021 Semana ne`e , no Parte Polisia hamutuk ho Profesional Saude halo kedan Atuasaun no Evakua Hikas Abitante ne`e tama iha fatin Ijolamento AVR Lospalos , no Familia Hirak nebe hetan Kontakto Direita , Equipa Konjunta Profesional Saude no Pate Seguransa Evakua kedan ba iha Fatin Qaurentina Nebe Ejiste no Foti sira nia amostra hodi Submete ba teste laboratorio .
Komandante Polisia ne`e mos Husu ba Abitante Quarentena no Ijolamento Sira , atu Kumpri nafatin Regras Quarentena no Ijolamento hodi Prevene Familia no Komunidade Tomak iha Municipio Lautem husi Covid-19.
Entertantu: Maske Kondisaun Centro Ijolamento no fatin Qaurentena iha Municipio Lautem ladun Seguru ,hodi fo biban ba Abitantes sira atu halai Sai , maibe Parte Polisia Kontinua Mantein Seguransa iha Oras 24 Nia laran iha Fatin Qaurentena no Ijolamento sira nebe estabelese iha Vila Lospalos Municipio Lautem .
Jornalista ;Sidalia da costa
Editor ;Nascimento Provincial
