RCL VP NEWS 25/06/2021
Comandante Polisia Nasional Timor Leste Municipio Lautem , Superintendente Polisia Antonio Rego Fernandes hateten katak , Atu Prevene no Kombate Covid-19 Iha Municipio Lautem , PNTL no Komunidade Sira Tengki Kria Koperasaun nebe Metin , hodi Asegura nafatin Pontu Entrada Sira nebe Ejiste iha Municipio Lautem , tamba Movimento Ema no Transporte nian liu husi Pontu Entrada nebe iha.
Comandante PNTL Municipio Lautem Kasu lia hirak ne`e liu husi Programa Radio Talk Show ho Topico Hamutuk ita Hametin Seguransa iha Pontu Entrada sira , nebe hala`o iha Estasaun Radio Comunidade Lospalos Quinta Feira 24/06/2021 ne`e .
Comandante Polisia Municipio Lautem ne`e mos hateten katak , Bajeia ba Moto Municipio Lautem katak Hamutuk Lautem Forsa , Forsa Hamutuk Lautem Bele , nune`e Husu ba Comunidade Sira hodi Kria Servisu Hamutuk ho Parte Seguransa hodi hametin Seguransa iha Fronteira Municipio Lautem nian, hodi Evita Transmisaun Covid-19 iha Municipio Lautem .
Autoridade Masimo PNTL Municipio Lautem ne`e mos Apela ba Comunidade Sira atu Kontribui nafatin ba Regras ou Protokolu nebe Governo fo Sai , tamba to`o agora ema hotu sida`uk hatene Wainhira mak Situasaun Covid-19 ne`e Termina.
Komandante ne`e mos Sublinya katak , Polisia sei la la`o Mesak hodi Asegura Siguransa iha Rai Laran , Wainhira laiha Koperasaun Comunidade nian , Tamba Bajeia ba Lei Organiko PNTL Numeru 9 Tinan 2009 hatudu momos katak , Karakter ho Filosia Polisia ne`e hanesan Polisia Komunitaria , nune`e PNTL ba dada`un ne`e , Koloka Ona Membro iha Komunidade nia Le`et sai hanesan Ofisial Polisia Suco ga OPS, hodi Servisu hamutuk ho Komunidade iha Nivel Suco.
Entretanto; Maske Durante Atuasaun ba Situasaun Covid-19 iha Municipio Lautem,Akontese Frontal maibe la hamosu Crime , Nune`e Komando Polisia Municipio Lautem Louva Koperasaun Komunidade ho PNTL Nian iha Parte Seguransa nian.
Jornalista ; Sinta da Costa
Editor ; Nascimento Provincial
