RCL VP NEWS 14/07/2021
Relasiona ho kazu Pozitivo Covid-19 nebe afeta Comunidade nain lima (5) iha suku home,Postu Administrativo Lospalos, Municipio Lautem iha semana kotuk liu ba, Autoridade Municipio Lautem informa ona ba Directores Municipais sira iha Villa Lospalos, hapara ona servisu funsionario sira husi suku home nian ho temporariamente , inklui mos estudante sira Nia Actividades, nune’e fo biban ba pessoal saude sira halo identifikasaun ba ema nebe kontaktu besik ho Paseinte Covid-19 iha Suku refere.
Lia hirak ne’e hato’o husi Administrador Municipio Lautem, Domingos Savio ba jornalista RCL iha nia knar fatin Tersa feira 13/07/2021semana ne’e.
Administrador Municipio Lautem mos hateten katak , Suku Home ne’e , hanesan Tama ona Iha area afetado Covid-19 , tamba detekta ona Kaju Pojitivo Iha Comunidade Nia Leet.
Relasiona ho Ida nee Administrador Municipio Lautem Autorija hodi Suspende Servisu no ActividadesFungsionario Publica no Estudante Sira husi Suco Home nian,no hakmatek Nafatin Iha Sira Nia Uma .
Domingos Savio ne’e mos haktuir katak , relasiona ho kazu pozitivo iha suku home maibe Autoridade Municipio Lautem seidauk iha planu atu lockdown suku home , maibe husu deit ba komunidade sira atu tur hakmatek iha fatin hodi fo Biban ba pessoal saude sira hodi buka tuir ema nebe kontaktu besik ho pasiente kovid19 iha suku refere.
Iha fatin hanesan coordenador pillar 7 doutor Mericio Castelu deklara katak,Tersa feira 13/07/2021 ne’e ,parte Sa’ude foti Amostra hodi Submete ba teste Laboratorio Nasional.
Entertantu : Relasiona ho Ida nee Autoridade Municipio Lautem no Parte Sa’ude husu ba komunidade sira iha Suku Home Posto Administrativo Lospalos Municipio Lautem atu kontinua kopera ho equipa taskforces prevensaun no mitagasaun Covid-19 municipiu lautem , atu nune’e bele minimiza transmisaun Komunitaria kovid19 iha suku refere.
Jornalista ;Marito savio
Editor ;Nascimento provincial
