RCL VP NEWS 10/08/2021
Levantamento Armada nebe Orienta Husi Comandante Supremio Falentil , Kayrala Xanana Gusmao Hanesan Be`e nebe bele habokon no haburas Fali Funu ba Libertasaun Nasional , tamba ho Levantamento ne`e Falentil Sira bele Lori Kilat ba Ailaran hodi Kontinua Funu hasoru Inimigo , to`o hetan Indepedensia agora .
Lia hirak ne`e hato`o husi Secretario Municipio Lautem Jacinto da Costa , ba Jornalista RCL Iha Serimonia Comemorasaun loron Levantamento Armada ba dala Tolun nolu resin Walu (38) iha Suco Leuro , Posto Administrativo Lospalos , Municipio Lautem Dominggo 08/08/2021.
Secretario Munisipio Lautem mos hateten katak , Funu ne’e hanesan fali Aifunan nebe mala`ek , maibe Quando Levantamento Armada Falentil Sira Lori Kilat halai fali ba Ailaran hanesan Be`e ida nebe Rega no haburas Aifunan nebe Namla`ek , nune`e Nia parte Agradese ba Komandante Sira nebe Organija Falentil Sira iha Vila Laran ba Hamutuk fali iha Ailaran hodi Kontinua Funu Libertasaun Nasional .
Jacinto da Costa mos Husu ba Povu Timor Tomak , liu-liu Municipio Lautem atu Respeito no Rekonyese Loron Levantamento Armada ne`e Nudar Istoria Funu Libertasaun Nasional .
Entertanto : Governo Timor Leste no Povu Timor Leste sei tane A`as nafatin Loron Levantamento Armada nudar Loron Importante ba Nasaun no ba Povu Timor Leste .
Jornalista ;Sinta da Costa
Editor ;Nascimento Provincial
