RCL VP NEWS 10/08/2021
Servisu Diresaun Transporte Terestre Ga DTT Municipiu Lautem , hahu loke ona Registrasaun Foun Karta kondusaun ga Teste Sim kareta ga motor nian ba aplikante sira iha Municipiu Lautem , Registrasaun ne’e hahu ona iha Segunda Feira 09/08/2021 no sei remata iha Quarta Feira 25/08/2021 .
Lia hirak ne’e hato’o husi Chefe DTT Municipiu Lautem , Edi Korea Lemos ba Jornalista Rcl iha nia knar fatin tersa feira 10/08/2021 Semana ne’e .
Director DTT ne’e mos haktuir tan katak ,dadaun ne’e aplikantes sira nebe regista ona iha setvisu DTT ne’e hamutuk sanolu resin walu, no processu registrasaun kontinua la’o nafatin iha Municipiu Lautem .
Edy korea Lemos ne’e mos deklara katak , kriteria no Dokumentos hirak nebe aplikantes sira presija hatama ne’e mak hanesan , hatene le no hakerek , idade 16 anos ba categoria Motorizada , idade 18 Ba categoria Kareta Ligeiros (B1) , idade 21 ba categoria pesados (C1) , maibe tenki iha uluk categoria B1 , atestado medico original ho copia tahan 3, Kartaun grupo de sangue , Kartaun Eleitoral copia tahan 3 , foto colorido media Dois Vejes Tres 2×3 , Tres Vejes Quatro 3×4 no Quatro Vejes Seis 4×6 (tahan 2 ) no osan administrasaun $.15.
Entertantu : Ho Tratamento Karta Kondusaun Iha Municipio Lautem bele hafasil ona Motorista no Kondutor Sira , atu bele asesu ba Karta Kondusaun ho fasil . ito&jack
