RCL VP NEWS 13/08/2021
Relasiona ho kazal ida ga fen ho Laen nebe Tiru Veterano Armando Viegas ho kodigo Matansa iha suku Leuro Posto Administrativo Lospalos , Municipio Lautem Quarta feira 11/08/2021 ne’e , Conselho Combatentes Libertasaun Nasional ga CCLN Munisipio Lautem la konkorda ho Atitude ida ne`e , tamba liu husi Veteranos Sira nia Dedikasaun Tomak ba Prosesu Funu mak to`o ohin loron ita Goja ba Ukun Rasi A`an ida ne`e , no Husu ba Parte nebe Kompetente atu fo fo sangsaun Reguroju ba Cidada`un Na`in 2 ne`e .
Prezidente Conselho Combatentes Libertasaun Nasional Munisipio Lautem Aureliu Freitas Ribeiru ba jornalista RCL iha Nia knar Fatin Quinta Feira 12/08/2021 ne’e hateten katak , Nudar prezidente CCLN Municipiu Lautem Triste no la Aseita ho atitude no Asaun Comunidade nian nebe Tiru Veterano Winte Quatro Anos (24) iha Suco Leuro , nune’e husu ba parte relevantes atu tau atensaun ba hahalok ida ne’e .
Prezidente CCLN Munisipio Lautem akresenta tan katak , Veteranus nudar OSAN mean no sai hanesan espeilho ba foin sa’e sira , nune’e husu ba sidadaun sira hotu , atu hametin unidade no halo Dezenvolvimentu iha Nasaun Demokratico.
entertantu ; CCLN husu ba Cidada`un hotu atu respeitu nafatin luta nain sira, tamba liu husi sira nia sofrementu, maka ohin loron ema hotu livre no sente ukun an ida ne’e.
Jornalista ;Marito Savio
Editor ;Nascimento Provincial
