RCL VP NEWS 13/08/2021
Organizasaun Uniao Hadomi Timor ga UNIAMOR Quinta feira 12/08/2021 ne’e , organiza Konferensia Nasional Tradisaun Koileta Meci ho Estudante Nivel Secundaria sira iha salaun Dom Bosco Lospalos , atu hasae konhesimentu Estudante sira nian kona ba Tradisaun Koileta Meci iha Municipiu Lautem.
Director Ezekutivo UNIAMOR Juanico Dos Santos , ba Jornalista sira iha salaun Dom Bosco Lospalos Quinta feira ne’e hateten katak , Objektivo husi konferensi ne’e oinsa atu hasae konhesimentu estudante no komunidade sira nian Kona ba tradisaun koileta Meci no promove nafatin tradisaun Meci nian iha Municipiu Lautem , no mos oinsa atu prezerva Patrimonio Kultural nian.
Director Ezekutivo ne’e mos informa katak , Organizasaun UNIAMOR sei kontinua servisu hamutuk ho parseiru UNESCO no Estado Timor-Leste , oinsa atu promove no proteze patrimonio kultural nian iha Timor-Leste liu-liu iha Municipiu Lautem .
Entertantu : konferensia Nasional Tradisaun Koileta Meci nebe organiza iha salaun Dom Bosco Lospalos Quinta feira ne’e La’o Diak , Tamba hetan partisipasaun maximu husi estudante ensino sekundaria Geral Nino Konisantana , Lere Anan Timor Lospalos , Ensino Tekniko Vokasional numeru 1 no 2 Lospalos Municipiu Lautem .
Jornalista;Marito Savio
Editor;Nascimento Provincial
