RCL VP NEWS
Atu hanoin hikas Akontesimento Levantamento Armada nebe Akontese iha Loron Walu Fulan Agostu Tinan Rihun Ida Atus SIA Walu Nolu Resin Tolu (8/08/1983) Nebe akontese iha Suco Leuro , Comunidade, Veteranos , Familia Martires ba Funu Libertasaun Nasional hamutuk ho Juventude Tomak , Dominggo Loron Walu Fulan Agostu Tinan Rehun Rua , Rua nolu resin Ida 08/08/2021 hala`o ona nia Cerimonia Celebrasaun ba dala Tolu nolu resin Walu (38) iha Suco Leuro , Postu Administrativo Lospalos , Municipio Lautem.
Chefe Suco Leuro Carlito Viegas ba Jornalista RCL Iha Cerimonia ne`e hateten katak , Loron Walu Fulan Agostu ida ne`e nudar Loron Importante ba Comunidade Suco Leuro , hodi hanoin hikas Comunidade Suco Leuro nebe ho Atenbrani Funu Hasoru Inimgo liu husi Levantamento Armada .
Xefe Suco ne`e mos Declara katak , Cerimonia Comemorasaaun ne`e hala`o dala Tolu nolu Resin Walu (38) ona maibe laiha rekonyesimento husi Governo maske Comunidade Hato`o bebe`ik ona ba Estado.
ho Asuntu ida ne`e Lider Comunitario ho Kompremitido Planu atu Ejije nafatin ba Governo atu bele Rekonyese loron importante ida ne`e , tamba liu husi Loron ida ne`e mak Comunidade Sira ho atenbrani Funu hasoru Inimigo ho Liman Mamuk.
Alende ne`e Reprejentante Veteranos Suco Leuro Amelio da Costa Xavier FATATI hateten katak , Cerimonia ida ne`e Comunidade sira iha Suco Refere Comemora bebe`ik maibe laiha ajudu Ruma husi Governo , maibe Inisitiva Comunidade Veteranos , Familia Martires ba Funu Libertasaun Nasional hamutuk ho Juventude Tomak iha Suco Refere liu husi Kontribuisaun, Nune`e Husu ba Governo atu bele ajuda netik Comunidade sira hodi Celebra loron ida ne`e .
Entretanto;Maske laiha Lolo Liman husi Governo Local no Central ba Celebrasaun Loron Levantamento Armada nian , maibe kada Tinan Sempre La`o maske ho Siplesmente.
Jornalista(Sinta da costa)
Editor(Nascimento Provincial)
