RCL VP NEWS
Bajeia ba Direito Fundamental Ha`at nebe hakerek ona iha Konvensaun Direito Labarik , nebe Nasaun Timor Leste Adopta Ne`e Husu ba Ita hotu atu Respeito no valorija nafatin Direito Labarik Sira nian , no Proteje Nabarik Sira husi Acto Violensia nebe dala barak , Afeta ba Labarik Sira .
Komunidade Ida Husi Aldeia Sentral Suku Fuiloro Rojita Da Silva nebe Jornalista RCL hasoru iha Vila Lospalos Segunda Feira 09/08/2021 ne`e hateten katak , Bajeia ba Konvensaun Direito Labarik hakerek momos katak , labarik nebe Moris Mai ho Idade Zero to`o 18 Iha Direito atu htan Protesaun Husi Inan Aman no Entidades Hotu .
Rojita mos Husu ba Inan aman Sira atu Koidadu Nafatin Labarik Sira , no hado`ok Sira husi Acto Violensia nebe Mosu iha Comunidade nia Le`et, tamba Labarik Sira Iha Direito ba Moris ho Seguru.
Iha sorin Seluk Komunidade Husi Aldeia Lospala Suku Fuiloro Joenaka da Consensaun mos hateten katak , halo Asaun Violensia hasoru Labarik ne`e hanesan hahalok Crime tamba bele estraga Labarik sira nia Mental no Pisikologia , nunee nudar inan –aman tenki iha konhesimentu ba lei no tenki eduka labarik ho maneira nebe diak nunee labarik bele moris iha ambiente nebe seguru .
Entertantu; Direito Fundamental Labarik Sira nian 4 nebe hakerek ona iha Konvensau Direito Labarik nebe Nasaun Timor Leste Asina ne`e mak hanesan , Direitu ba Sobrevivensia , Direitu ba Dezenvolvimentu , Direitu ba Protesaun no Direito ba Partisipasaun
Jornalista(erme&sida)
Editor(Nascimento Provincial)
