RCL VP NEWS
Saudozu Abel Dos Santos Narsizio husi aldeia Kuluhun , Suku Fuiloro,Posto Administrativu Lospalos Municipiu Lautem , Fila hikas ona ba aman Maromak iha loron 7 fulan agustu tinan Ida nee ,tamba sofre moras estrock.
Reprezentante Familia Fransisca Xavier Liu husi Biografia saudozu nian iha aldeia kuluhun tersa feira 10/08/2021 loraik hateten katak Saudozu Abel dos santos moris iha suku lakava posto Luru Municipiu Lautem iha loron 6 fulan julhu 1945 , Saudozo oan husi aman Maubui no inan Buamoto.
Fransisca mos haktuir tan katak , Saudozu Abel husik Hela Oan Faluk nain 9 kompostu husi Feto 2 no mane 7.
Saudozu Nia dedikasaun ba Luta Libertasaun Nasional mak hanesan ,hahu husi baze de apio ba CCF iha tinan Rihun Ida Atus Sia Hitu Nolu Resin Lima too tinan Tinan Rihun Ida Atus Sia Hitu Nolu Resin Walu(1975 -1978) nudar responsavel saude iha Zona Karau, no iha tinan Rihun Ida Atus Sia Walu Nolu Resin Hat too tinan Rihun Ida Atus Sia Walu Nolu Resin Ne’en (1984 -1986) nudar responsavel saude liu husi frente Klandestina no mos iha tinan Rihun Ida Atu Sia Walu Nolu Resin Hitu too tinan Rihun Ida Atus Sia Sia Nolu Resin Walu (1987-1998) nudar Responsavel Saude liu husi Organizasaun Rezistensia Sagrada Familia .
Sorin seluk Oan mane boot Saudozu ,Vasco Dos santos soares husu ba governu no estadu liu-liu concelho Veteranos municipiu Lautem atu tau matan ba ami oan kiak sira nebe nia aman kontruibui ba luta libertasaun nasional.
Sekretario Municipiu Lautem Jacinto da costa mos hateten katak,nudar reprezentante guvernu lokal no Central agradese ba familia tomak saudozu nian nebe oferece ona oan mane diak ida ba rai ne’e nia luta ba ukun rasik an nian.
Entertantu : tersa feira loraik ne’e , familia no governu lokal no veteranos sira seluk halot ona mate isin sadozu abel dos santos iha Cemiterio Santa Crus Kuluhun Lospalos Municipiu Lautem.
Jornalista(Marito Savio)
Editor(Nascimento Provincial)
