RCL VP NEWS 13/09/2021
Administrador Postu Administrativo ga APA Lospalos foun , sei servisu hamutuk ho Konselo Postu Administrativu Lospalos nian , hodi bele responde preokupasaun no problema sira nebe Komunidade sira infrenta durante ne’e .
Administrador Postu Administrativu Lospalos Municipiu Lautem Dinis Dos Santos Batista ba Jornalista RCL Segunda feira 13/09/2021 ne’e hateten katak , Nia Parte iha Ona Planu Prioridades balun ba Dejenvolvimento Posto Lospalos nian , maibe sei halo Konsulatasaun ho Entidades Sira , liu-liu Konselu Postu nian , hafoin bele Implementa .
“ Hau iha planu tiha ona, atu hamosu planu ida presija envestiga no konsulta husi komponente ne’ebe forma ona iha postu, porque iha ne’e equipa ida integrado, hau servisu ne’e so mai lidera deit, tamba iha lina ministeriais hamutuk iha ne’e , exemplo mak hanesan PNDS, sociedade civil , tan ne’e hau sei tur hamutuk ho konselho postu sira hodi deside palnu ne’ebe sai prioridade ,“ Administrador Postu Administrativu Lospalos Municipiu Lautem , Dinis Dos Santos Batista ba Jornalista RCL Segunda feira 13/09/2021 ne’e.
APA Lospalos ne’e mos haktuir tan katak , progresso servisu nebe Administrador Sesente halo ne’e sai hanesan referensia ida ba administrador foun atu tur hamutuk ho konsellho postu nian hodi halo plano ba dezenvolvimenu iha futuru .
Entertantu : Administrador Foun Postu Administrativu Lospalos ne’e mos husu ba komunidade sira iha Area Juridiku Postu Lospalos atu kontinua kopera ho Administrador foun hodi dezenvolve diak liu tan Postu Lospalos .
JORNALISTA : Ito
EDITOR : Nascimento Provincial
