RCL VP 16092021
Equipa Ministerio Edukasaun Juventude Desporto , liu husi Gabineti Directora Geral Politika Planu inklujaun no impresaun quinta feira ne’e (16-09-2021) ,hala’o socializasaun kona ba mata dalan Eskola distansia ga Eskola online nian liu husi Programa Eskola Ba Uma ba Directores no Kordenadores da eskola sira nebe Realija iha salaun Edukasaun Municipiu Lautem .
Directora Geral Politika Plano Inkluzaun No Impresaun Ministerio Edukasaun Odilia Martins ba jornalista RCL iha salaun Eduksaun Municipiu Lautem quinta feira ne’e hateten katak , Prejensa Equipa Ministerio Edukasaun iha Municipiu Lautem , atu hala’o socializasaun ba nivel Directores no Kordendores sira , oinsa bele asesu ba programa eskola ba uma , Relasiona ho situasaun pandemia nebe afeita tebes ba processo aprendijagen , tamba ne’e Guverno cria ona Planu oinsa bele garantia processo aprendijagen la’o nafatin maske estudante sira iha uma deit .
“ Ohin loron Ami nia prezensa iha ne’e atui halo socializasaun ba iha nivel directores ou coordenadores husi eskola centrais no filiais sira kona ba oinsa sira nia asesu ba iha eskola online ou Eskola Distancia liu husi Programa Eskola ba uma Tele Eskola, tamba ita hare ba situasaun Covid-19 nebe afeita tebes ba comunidade, liu husi ministerio tenke hasai sirkular ida, diploma ministerial ida atu suspende processo aprendijagen iha eskola hotu, entaun ho processo suspensaun ba eskola sira ne’e , guvernu tenke cria ona politika ida atu garantia processo aparendijagen la’o nafatin maske labarik sira iha uma deit, entaun proceeso ida ne’e maka tulun labarik sira ,“ Directora geral politika plano inkluzaun no impresaun husi MEJD Odilia Martins ba jornalista RCL iha salaun eduksaun municipiu lautem quinta feira ne’e.
Directora geral ne’e mos informa katak ,Ministerio relevante rekonhese durante ne’e programa eskola ba uma ne’e ladun fo vantagen ba estudante sira iha area remotas no rurais sira, tamba la iha lina internete ,televizaun no telefone android , maibe parte releventa halo ona rezumu hodi distribui ba estudante sira no dadaun ne’e Ministerio Eduksaun distribui ona rezumu kada disciplina nian hamutuk 126.000 ba municipiu sira .
“ ita rekonhese katak, processo ida ne’e ladun fo vatagem ba estudante sira ne’ebe iha area remotas no muito remotas, tamba laiha lina internet, la iha asesu ba televijaun sira balun la iha telephone android, entaun ne’e susar tebe-tebes atu bele asesu ba programa ida ne’e , nune’e maka ami hamutuk ho manorin sira ba iha kada disciplina hala’o ona rezumu ba iha material sira hotu , materia sira ne’ebe maka professores sira halo rezumu ne’e ami distribui ba eskola sira nebe la asesu, atu nune’e sira bele aprende no estuda iha uma, agora dadaun ami dehan katak iha Rihun Atus Ida Rua Nolu Resin ne`en (126 mil) ba iha kada discplina sira ne’e maka ami distribui hotu ona ba iha Municipiu sira “Odilia Martins informa.
Entertanto : socializasaun matadalan apredijagen distansia ne’ebe organiza iha salaun eduksaun municipiu Lautem la’o diak , hetan partisipsaun maximu husi directores no coordenadores da eskolas sira iha municipiu lautem.
JORNALISTA : ITO
EDITOR : NASCIMENTO PROVINCIAL
