RCL VP NEWS 27/10/2021
Prosesu Construsaun Uma ba Kbi`it La`ek ga UKL Iha Suco Fuat , Posto Administrativo Iliomar , Municipio Lautem Fijikamente Atinji ona Porsento Walu nolu resin Lima (85%), tamba Reboka Hotu ona no Hein de`it Taka Kaleng .
Chefe Suco Fuat Martins Pinto ba Jornalista RCL Iha Suco Fuat Tersa Feira 26/10/2021 ne`e hateten katak , ba dada`un ne`e Uma Kbi`it La`ek ho Fundus Prograna Nasional Dejenvolvimento Suco ga PNDS ba Tinan ida ne`e He`in de`it Taka Kaleng , tamba Fornesidor ba Konstrusaun ne`e sei Buka Hela Kaleng ida nebe ho Kualidade tuir Planu nebe iha.
Chefe Suco Fuat mos Informa katak , Lolos Construsaun UKL Iha Suco nebe nia Chefia ne`e Remata ona , maibe tamba Fornesimento Material husi Fornesedor , liu-liu Kaleng mak Tarde Liu , Nune`e Sei Hein to`o Ohin Loron, Maibe Construsaun ne`e sei Remata iha Fulan Oin , Depende ba Fornesidor Material Konstrusaun nian.
‘’ Prosesu Konstrusaun Uma ba Kbi`it La`ek iha Suco Fu`at lolos hotu ona , maibe fornesedor Material Konstrusaun mak Terlambat , hau nia Suco ne`e lolos hotu ona , tamba PNDS 2014-2015 Suco Fuat Primeiro Lugar kona ba Implementasaun Projecto PNDS nian , no to`o mai agora nene lolos Projecto fijikamente hotu ona maibe tamba sasan sira mak mai terlambat , agora Fornesedor ba tiha ona hola sasan karik tempu besik bele taka ona ho kaleng , tamba Reboka no buat hotu-hotu remata ona’’ Tenik Chefe Suco Fu`at Martins Pinto.
Alende ne`e Chefe Suco ne`e mos Informa katak , Prosesu Rehabilitasaun ba Cede Suco Fuat Nian mos Atinji ona Porsento Walu nolu (80%) no Aban bai Rua hahu taka ona nia Kakuluk , no Material Kompleto hotu ona Hein taka de`it.
‘’ Prosesu Rehabilitasaun Cede Suco Prontu ona , no Hela taka kakuluk ho Kaleng De`it so Que material balun mak Sidauk Prontu . Hau ida be lahatene Konta Fijikamente Porsento hira maibe Prosesu ne`e atu hotu ona , no Prosesu Rehabilitasaun Problema laiha tamba Obra ne`e tuir duni Orientasaun no Planu Orsamento nebe iha’’ hateten Martins Pinto .
Entretanto;Comunidade no Autoridade Comunitario iha Suco Fu`at sempre Servisu hamutuk nafatin hodi Dejenvolve Sira nia Suco liu husi Programa Governo no Ong Sira nebe hala`o Aktividades iha Suco Refere .
JORNALISTA ; Sdc
EDITOR ; NASCIMENTO PROVINCIAL
