RCL VP NEWS 15/11/2021
Relasiona ho Aimoruk Vasinasaun ho naran PFizer sida`uk to`o iha Municipio Lautem , Servisu Municipal Saúde Municípiu Laútém, liu husi Equipa Pilar 3 seidauk bele vasina Estudante sira husi Idade Sanolu resin hitu mai kraik tamba laiha Aimoruk Vasinasaun ho naran Pfizer , tamba Aimoruk Vasinasaun ne`e mak bele vasina ba Ema ho Idade Sanolu Resin Rua to`o Sanolu resin Hitu (12-17).
Kordenador Pillar 3 , Antonio Bernardino, ba jornalista rcl iha Centru Saude Interinamentu Postu Administrativu Lospalos Municípiu Laútém Segunda feira 15/11/2021 ne’e hateten katak, Estudantes sira husi tinan 18 ba leten ne’e bele simu ona Vàsinasuaun Astrazeneka, maibe estudante sira husi tinan 17 mai kraik seidauk bele tamba Vaksina Pi Fizer seidauk to`o mai Municipio Lautem.
“ Hau mos rona informasaun husi Estudante sira katak, sira sei tuir ezame, wainhira sira vaksina ona, maibe la taka dalan ba sira ne’ebé 18 anos ba leten bele hetan vaksinasaun Astrazeneka , maibe ba sira ne’ebé 17 mai karaik ita seidauk bele, ita sei iha procesu laran tamba ita nia vasina PFizer sei iha dalan atu mai iha ita nia Nasaun,” hatete Antonio Bernardino, ba jornalista rcl iha Centru Saude Intreinamentu Postu Administrativu Lospalos Municípiu Laútém Segunda ne’e.
Kordenador Pillar 3 ne’e mos informa, Komisaun Pillar 3 Laútém sei kontinua servisu ho parte Edukasaun hodi Vasina Estudante sira hotu husi tinan 12 to’o 17, wainhira Vasina Pfizer To’o mai Municípiu Laútém.
“ Ami ho parte Edukasaun iha ona kordenasaun diak, Diretor edukasaun kordena malu diak ho ami, ho nune’e parte saude sira prepara a’an atu implementasaun ne’e ami sei hala’o iha eskola wainhira ita nia Vaksina Vifezer ne’e to’o ona,” Antonio informa.
Entertantu : Badadaun ne’e, procesu vaksinasaun Astrazenaca ba komunidade sira iha Municípiu Laútém ba faze dahuluk atinge ona % 72,1 no faze daruak % 39,35.
Jornalista:ito
Editor:Nascimento Provincial
