Lospalos [RCL Vox Populy] – Sekretariadu Tekniku Administrasaun Eleitoral [STAE] Munisípiu Laútem rejista eleitor foun sira iha tinan 2021 STAE hamutuk Rihun rua, atus Walu neen nolu resin tolu [2.863], no aktualiza mos kartaun tohar no muda rejidensi hamutuk rihun lima resin.
Diretór STAE Munisípiu Laútem, Sergio Belmonte ba RCL iha nia Knaar fatin Tersa-Feira ne’e haktuir, total Eleitores provizóriu iha teritóriu munisípiu Laútem ne’ebé regista ona iha sistema atuasaun baze de dados STAE nian Hamutuk 48.521.
“ita nia resensiamentu no atualijasaun Baze de dados ne’ebé mak ita prepara Ita nia eleitores ate Dezembru ita Pur Volta de 2.863 eleitores foun , no ita konsege aktualiza ita nia eleitores sira ne’ebe mak nia kartaun tohar no muda hela Fatin por Volta De 5 mil ital nebe mak ita konsege aktualiza, i dadaun ida ne’e provizoriamente tuir total eleitores ne’ebe mak iha, ita agora atinje ona 48.521 Eleitores Provizórius hanesan munisipiu ninian ne’ebé regista ona iha sistema atualizasaun Baze de dados STAE Munisípiu ninian para atu kompete iha eleisaun 2022 ida ne’e,” hatate Sergio Belmonte ba Jornalista RCL iha nia knar fatin Tersa-feira ne’e.
STAE nia preparasaun ba eleisaun Prezidensial tinan 2022 iha Munisípiu Laútem kontinua lao, no prepara ba resensiamentu atualizasaun baze dedos ne’ebé lansa iha fulan Julhu tinan 2021, no sei remata iha fulan janeiru tinan ne’e. STAE Laútem mos koloka ona Brigada sira ba kada suku sira hodi hala’o levantamentu sentru votasaun hodi rekolla eleitores sira ne’ebé mate ona.
“dadaun ida ne’e STAE Munisípiu Laútem hala’o ona preparasaun balum kona-ba Eleisaun Prezidensial tinan 2022 nian iha pontu rua ba preparasaun ninian primeiru ita koalia konaba oinsa prepara ita nia eleitores sira liu husi resensiamentu Atualizasaun baze de dados eleitoral ne’ebe mak ita lansa iha dia 1 de julhu tinan 2021 liu ba, no sei termina iha dia 14 semana ida ne’e, iha mos preparasaun institusionalmente STAE ba dadaun ida ne’e iha ona faze rekrutamentu ba Brigada no sira desloka ona ba Suku ida-idak hodi halao servisu”. Sergio Informa.
Dadaun ne’e STAE Munisipiu Laútem identifika ona sentru vtasaun Hamutuk 80 ba Eleisaun Prezidensial tinan 2022 iha teritóriu munisípiu Laútem.
Jornalista : Ito
Editór : Zem-Kasar
