Lospalos [RCL Vox Populy] – Dadaun ne’e, Produsaun mina nu’u ne’ebé produs husi Kompañia Soru Coucounat Oil, iha Suku Soru Postu Lospalos Laútem provizoriamente paradu tamba armajen nakonu ona.
Diretor Kompañia Soru Coucounat Oil Unipessoal Lda liu husi telefone Kuarta-Feira [20012022] hateten, produsaun mina para ona tamba armajen iha Lospalos no kapital Dili nakonu ona, nune’e kompanha sei buka dalan atu bele transfere produsaun mina hafoin bele halo produsaun fali.
Dadaun ne’e produsaun mina nu’u rai ona iha Armajen kuaje Ton Lima nolu prepara ona transfere ba programa governu liu-liu Programa Cesta bázika.
“Ita nia produsaun Mina Nu’u la’os Signifika la’os ita atu para maibe intensaun agora para ne’e atu mai dili buka bee Programa guvernu wanhira atu estabelese programa cesta bazika iha ita apoiu tamba ita ni armagen nakonu ona iha losplaos mos iha iha dili mos nakonu ona entaun ita hein Programa guvernu dehan atu katak atu halo programa Sesta Bazika ne’e ga Programa fahe aihan ba ita nia komunidade ita Prontu atu apoiu tamba ita preparadu ona ita nia Mina sekitar Empat polu ga Sampai lima pulu ton ita prepara ona,” hatete Arsenio.
Nia husu ba komunidade sira fa’an nu’u ba kompanha atu tau nafatin vontade hodi prepara nu’u maran tamba kompanha sei nafatin sosa nu’u hodi halo produsaun.
Produsaun mina nu’u iha Laútem provizoriamente paradu kuaze fulan ida resin, tamba armajen nakonu.
Jornalista: Ito
Editór: Zem-Kasar
