Lospalos [RCL Vox Populy] – Kooperativa Soru Tais, hanaran Lou`ud Municipio Lautem, Sexta-feira , fasilita treinamentu ba membru Grupu naín 30, iha Salaun Paroquia São Paulo Lospalos hodi hasa`e kualidade tais Timor, nu’udar identidade Laútem nian iha mundu Internasional.
Aliende ne’e, sei hasae kuantidade no kualidade Tais Laútem, nune’e iha oportunidade bele aprejenta mos iha Muzeum Australia.
Coordenadora Grupo Lou’ud Ilda da Cruz ba Jornalista RCL hateten, durante ne’e Kooperativa Lou’ud identifika no halo ona Tais husi Postu Iliomar ho naran Pailale, Nunukala, Watahasa no Paileki, ho identiku Iliomar nian.
‘’Liu husi formasaun ida ne’e fo ba membro cooperative Lou’ud kona ba tais ninia kualidade no oinsa halo tais ho nia valor nebe diak , nune`e bele Aprejenta ba iha museum Australia no tais iliomar nian hat mak durante ne’e Cooperativa Lou’ud identifika no halo nia istoria mak hanesan tais pailale,nunukala ,watahasa no paileki ida ne’e mak sei halo ninia filmagen ba parte husi projecto fernesimento arte tais ba Australia funu nian.’’ Dehan Nia.
Formasaun ne’e bele halo filmagen tais Iliomar atu lori ba muzeum Australia, tamba UNESCO rejista nu’udar eransa Patrimóniu Kultural rai laran no rai liur.
‘’Atu halo ita nia actividade formasaun ba vilmagen kona ba tais timor liu-liu bais iliomar ita hotu hatene katak iha fulan dezembru 2021 tais timor regista iha UNESCO tamba tais timor patrimonio Eransa Cultural iha nasaun timor leste no nasaun sira seluk”. Ilda hakotu.
Jornalista: Syda&Linda
Editór: Zem-Kasar
