Lospalos [RCL Vox Populy] – Atu kontinua asegura ambiente saudável iha kapital munisípiu Laútem, Governu lokal orienta ona trator rua hodi raut lixu Iha villa Lospalos nune’e populasaun iha konsiensia hodi labele soe foer arbiru.
Administrador Munisípiu Laútem Domingos Savio ba Jornalista RCL hateten, wanhira hein tenderizasaun ba raut Lixu sira ne’e presija tempu barak, tamba ne’e atu antisipa Lixu sira la bele abandona deit.
Nia orienta ona trator rua hodi raut lixu sira ne’ebé soe arbiru iha Kapital Munisípiu.
Nia parte ona ba Patrimóniu Estadu atu bele identifika poblema nune’e tinan oin bele sosa kareta hodi raut Lixu iha kapital Laútem.
‘’Kuandu Orsmentu sai presija iha tenderizasaun durante fulan tolu hahuú Janeiru to’o Marsu. Lixu sira ne’ebé soe arbiru iha villa laran sai problema bo’ot ida, tamba ne’e mak Governu lokal orienta ona ba Patrimóniu Estado atu identifika kauza, nune’e bele preve osan iha tinan oin hodi sosa kareta hodi tula lixu ‘’ Dehan Administrador Munisípiu Laútem Domingos Savio ba Jornalista RCL .
Domingos afirma, atu komunidade Saudalável no prevene husi moras dengue mak tenke ambiente saudável.
“Se ita nia komunidade saudavel i prevene Moras dengue ida ne’e bele ajuda Komunidade sira hodi hamos lixu sira ne’e Para Ambiente iha kapital laran bele mos no saudavel nafatin,” Nia tenik
Tuir observasaun Jornalista iha terenu nota, Operasaun Trator atu raut lixu iha kapital Municipiu Lautem hala’o ona loron ha’at.
Jornalista: Ito
Editór: Zem-Kasar
