Lospalos [RCL Vox Populy] – Maske ho kondisaun ema ho defisiente, nunka tane liman, maibe uja nia kbiít no forsa neébe Maromak horik ba Nia, hodi halaó servisu, hodi sustenta nesesidade família uma laran.
Situasaun ida ne’e mak akontese ba José Pires, hili dalan ho meius suku roupa, liu husi nia alfaiate neébe Nia harií, nuneé bele hetan osan atu sustenta ba nesesidade uma laran.
Jose Pires Nudar rma defisiente Ain, husi Iha Aldeia Ira-ara, Suco Fuiloru,Posto Lospalos Laútem ba Jornalista RCL Segunda Feira [31/01/2022] neé esplika , Atividades Suku Roupa neé hahuú Iha 2004 toó agora.
Ho Atividade Suku Roupa neé, Nia parte bele sustenta Oan sira ba eskola, nuneé mos bele sustenta nessidade loron-loron.
‘’ hau nia Servisu Suco Ropa lor-loron ne`e , hau Bele Sustenta Oan Sira ba Escola no Nececidade Uma laran nian , maske ho Rendimento nebe ki`ik , maibe la hamate hau nia Espirito Atu Kontinua Servisu nudar Suco Ropa , no Rendimento Husi Aktividades ne`e depende ba Movimento Labarik Sira nian , wainhira tama Eskola , hau Bele hetan Rendimento Diak , tamba Labarik Estudante Sira barak mak Suku Farda iha Hau nia Alfaiate ki`ik ne`e no Wainhira Labarik Sira Feriado , hau nia Rendimento lor-loron Menus Liu , maibe hau tenke tahan hodi halo actividade ne’e tamba actividade ida ne’e mak sai hanesan hau nia servisu no fo han hau nia Familia , no Sustenta Labarik Sira ba Eskola’’ Tenik Jose Pires.
Jose Pires husu Governu atu kontrola sidadaun estranjeiru sira neébé halaó servisu nuúdar Alfaiate, sei hamate rai nain sira neébe involve mos iha atividade neé.
Lian husi ema ho defisiensia, tatol liu husi meius komunikasaun sosial, atu ajuda ema ho defisiente sira atu hetan tratamentu dignu.
‘’ Iha Oportunidade ida ne`e , Nudar Defisiente ida nebe iha Kreatividade rasik hodi Sustenta Moris lor-loron , liu husi Actividades nebe ami bele halo , ne`e duni hau husu ba Estado Atu bele Kontrola , Ema Estrangeiro Sira nebe mai ho nia Servisu Alfaiate nebe ho Kapasidade bo`ot hodi hamate , Rendimento Alafaiate Local Sira , tamba ho Sira Nia Servisu ne`e bele Lori Osan Timor nian ba Dejenvolve hikas sira nia rai , no husu mos ba Estado liu-liu Ministerio Relevante atu bele ajuda Netik , Ema Defisiente sira nia Aktividades , tamba Sira mos iha Direito ba Moris Dignu iha Nia Rain rasik ‘’ Hateten Jose Pires.
Hafoin Timor Leste restaura no proklama nia independénsia, sidadaun rai-liur barak mak tama Timor Leste hodi halaó atividade negósiu, no balum halo investimentu, inklui mos halaó atividade nuúdar negosiante ambulante.
Jornalista: Sinta, Syda&Delfisio
Editór: Zem-Kasar
