Lospalos [RCL Vox Populy] – Relasiona ho kondisaun uma eskola iha munisípiu Laútem neébe durante neé ladun favorável ba labarik estudante sira wainhira tuir prosesu Aprendijajen, Governo tau ona planu no sei halo rehabilitasaun iha tinan 2022.
Diretór Edukasaun Munisípiu Laútem Rui Manuel da costa Branco ba RCL segunda-feira [31012022] hateten, eskola hamutuk 16 mak Governu tau ona planu projetu 16 tinan 2021, sei rehabilita iha tinan neé, tamba kada eskola neébe mak tau ona iha planu, ida–idak ba foti nia orsamentu infra-estrutura hodi bele ezekuta tuir BoQ neébé iha.
‘’Bajea ba infrastutura Projeto 16 ba 2021 nee ,ba tinan ida nee governu koloka $1,702,31250 ba halo deit infanstutura eskola iha munisipio lautem ho nunee kada eskola nebe hetan projetu neé, ida –idak ba foti nia osan rehabilitsaun iha banku no sei ejekuta tuir BOQ nebe mak iha’’ dehan Rui.
Rehabilitasaun projeto 16 hirak neé mak hanesan eskola EBF Tasifera naben, EBF 1.2 Lospalos, EBF Abere, Pre- ekolar Ira, pre-eskolar Amaira Luro, EBF 1.2 Barikafa, EBF1.2 Tirilolo, EBF 1.2 Euqisi, EBC 1.2.3 Luro, EBC Iliomar, EBC Mehara, Pre-eskolar Mehara, EBF Tasi Ibun, ESG Públiku Lere Anan Timor de Lospalos, ESGPF Fernando Lasama Luro, no EBF Ussuvasu.
Total Orsamentu ba rehabilitasaun infra-estrutura projeto 16 ba 2021 iha munisípio Laútem hamutuk $1,702,31250.
Jornalista: Erme ,Tiago & Timotio
Editór: Zem-Kasar
