LOSPALOS RCL VOX POPULY=Dadaun ne’e, Prosesu Konstrusaun Uma Kbiit La’ek (UKL) iha Municipiu Lautem ba Faze dahuluk foin mak Atinge Purcentu Neen Nolu Resin Hitu (% 67).
Dirètor PNDS Municipiu Lautem, Alcino Da Silva ba Jornalista RCL iha nia knar fatin Segunda Feira ne’e hateten, presesu konstrusaun UKL iha Lautem ba faze dahuluk ne’e kontinua la’o Maibe iha Suku balum Finaliza ona no sei inagura iha loron 28 Fulan Fevereiru ne’e.
Nia Dehan Maske Prosesu Konstrusaun ida ne’e La’o Neneik maibe prosesu ne’e La’o Bebeik Hodi bele Atinge Metas ne’ebe ema hotu hakarak.
“Primeira Faze ita sei la’o hela Balum 100 % ona no Balum Seidauk 100 %, ida ne’e Kategoria Projetu Kiri Over ne’e signifika katak maske La’o neineik maibe ita tenta nafatin La’o beibeik ne’ebe iha buat balum responde ona 100 % balum iha ona iha Seman oin ami sei halo inagurasaun ba Suku ne’e’be Finaliza ona liu-liu Suku Com nian,” Dehan Alcino Da Silva ba Jornalista RCL iha nia knar fatin Segunda Feira ne’e.
Diretor ne’e informa , ba Dadaun ne’e Prosesu konstrusaun UKL iha Postu Administrativu Lospalos atinge ona % 60, Postu Lautem % 67, Postu Tutuala % 60, Postu Luro % 65 no Postu Iliomar % 85.
“iha Suku ida Rua ne’e Finaliza ona maibe akumula ba iha nivel postu ne’e Seidauk remata hotu ne’e mak hau dehan Iha Postu Iliomar provijoriamente atinge ona 85 % hela deit 15 % atu tama 100 %, Tutuala % 60, Luro % 65, Lospalos % 60 no Lautem % 67,” Nia Informa.
Entertantu : Diretor PNDS Municipiu Lautem ne’e Afirma , Prosesu Konstrusaun Uma Kbi’it Laek iha Lautem sei Finaliza iha Tinan Ida ne’e.
Jornalista:Ito&Tiago
Editor:Nascimento Provincial
