LOSPALOS RCL VOX POPULY =Ministeriu Saude liu husi Institutu Nasional de Saude ga INS Sexta feira ne’e oferece Formasaun kona-ba Planeamentu Familiar ba Profesional Saude sira iha Salaun IDE Municipiu Lautem.
Formasaun ida ne’e hahu hala’o ona durante loron sanolu neebe hahu husi loron sia fulan Marsu no sei Remata iha loron 18 fulan marsu ida ne’e.
Formador husi INS iha Timor-Leste, Arnaldu DaLima Da Silva ba Jornalista RCL iha Salaun IDE MUnicipiu Lautem sexta feira ne’e hatete, objektivu husi Formasaun ida ne’e atu kapasita Pesoal saude sira atu oinsa bele atende pasiente sira liu-liu inan Feton sira ne’e ho idade reprodutiva atu nune’e bele redus mortalidade inan ho oan ne’ebe mak sei A’as iha Nasaun timor-leste inklui iha municipiu lautem.
“Programa ne’e realiza ho objektivu atu kapasita pesoal saude sira liu-liu Parteira no infermeira sira iha servisu municipal saude Municipiu lautem hodi fornce servisu apoiu ida ba inan feton sira liu-liu ba inan fetons sira ne’ebe ho idade reprodutiva no mos sira ne’ebe kaben nain sira atu nune’e bele redus Mortalidade inan ho oan ne’ebe mak sei a’as iha ita nia rai liu-liu iha Municipiu lautem,” hatete Arnaldu DaLima Da Silva ba Jornalista RCL iha Salaun IDE MUnicipiu Lautem sexta feira ne’e
Fatin Hanesan partisipante ida husi Centro Saude Mehara ho naran Domingos Dos Santo hatete, nia parte sente Kontente ba Programa Planeamentu Familiar ne’ebe organiza husi Institu Nasional De Saude tamba bele kapasita sira hodi bele atende pasiente sira iha centro saude refere maibe problema mak menus equipamentus sira.
“durante formasaun loron 10 iha ne’e ami sente kontente tamba bele kapasita ami hodi bele fial ba ami nia centro saude karik ami bele pasiente ho diak maibe husu mos ba MInisteriu Saude atu bele apoiu equipamentus sira odi bele atende pasiente sira liu-liu inan feton sira,” hatete Domingos Dos Santo.
Entertantu : Total Pesoal Saude iha Municipiu Lautem ne’ebe maka Partisipa iha Formasaun Kona-ba Plneamentu iha Salaun IDE Municipiu Lautem hamutuk 13.
Jornalista:ito
Editor:NP
