Soru Lospalos RCL VOX POPULY = Maske ho Distansia , Trabailhador nebe Mai Husi Municipio Seluk mai Servisu iha Compainia Soru Coconut Oil , nebe Lokaliza iha Suco Souro , Posto Administrativo Lospalos , Municipio Lautèm hodi Sustenta Nessesidade Uma Laran.
Trabailhador ida Husi Municipiu Aileu , Maria Tilman Xavier Ba Jornalista RCL Iha Fatin Produsaun Mina Nù Soru nian Sexta 01/04/2022 ne`e hateten, Maske Nia Husi Municipiu Seluk Mai Servisu Iha Fabrika Produsaun Mina nu’u iha Municipiu Lautem , Maibe Nia parte Sente Kontente Tamba Servisu ne’e Diak no bele ajuda Ekonomia Uma laran nian.
“Hau Mai Servisu Iha ne’e Tamba Servisu ne’e Diak Liu mai Ami Maske dook Husi Ami Nia Rai no Familia Sira , Maibe Ami Sente Kontente Servisu Iha ne’e Tamba deit Economia Uma laran, to`o agora Estado sida`uk Kria Fatin Servisu ba Dejemprego sira iha Timor Leste , maibe Hanesan Povu bain bain bele Kria ona ba ami hodi ami bele sustenta Familia nia Ekonomia , hatete Maria Tilman Xavier Ba Jornalista RCL Iha Fatin Produsaun Mina Nù Soru nian Sexta 01/04/2022 ne`e.
Alende ne`e Trabaillador husi Municipiu Likisa Jose de Jesus dos Santos mos hateten , Nia mos hakarak Mai Servisu iha Fatin Ida ne’e tamba , Servisu ne’e Diak Ba Nia hodi bele Sustenta Moris Loro-loron nian.
” Hau Nia hakarak Mai Servisu iha Kompania coucount oil ne’e tamba bele Loke ona kampu de trabailhu ba ami joven Sira hodi buka rasik Osan atu hare’e Ami Nia Moris Loro-loron nian, Maske Timor Oan ida maibe iha hanoin diak bele Loke ona Kampu Trabailho ba nia Eam Sira , no Bele Akumula Trabailhador Local no Husi Municipio Seluk , ida ne`e Nudar Orgulho ida ba Ami “ hatete Jose De Jesus.
Iha fatin hanesan Diretor kompania Soru Coconut Oil, Arsenio Kabral hatete, Compainia Refere bele Akumula Trabailador sira husi Municipio Sira Seluk , ho Sira nia Inisiativa Rasik , maske ho Distansia nebe Do`ok , Tamba Servisu ida ne`e bele ajuda trabaillador hodi Sustenta sira nia Ekonomia Uma laran.
“Ita Nia Trabaillador ne’e Mai husi Municipiu 10 Resin Feto Mane, Ema ne’ebe hakrak Mai servisu iha ne’e, Ami rasik Mak Transporta Mai iha ne’e, entaun Hau fo salario $ 150.00 ba Han, Hemu no Toba nian ne’e la inklui ba salariu , i foin dadauk iha eleisaun Ami nafatin tula Sira ba Sira ba ida-idak Nia municipiu depois Sira tuir Vota depois de Vota hotu Hau tula Sira Mai fali iha Sira Nia servisu Fatin Fabrika nian no mos durante ne’e Sira kontente Tamba Salario ne’ebe Sira hetan ne’e bele ajuda Sira ona,” dehan Arsenio Kabral
Entertantu : Dadaun ne’e Produsaun Mina Nu’u iha Sucu Soru Postu Administrativu Lospalos Municipiu Lautem , Parado iha Situasaun Pandemia nia Laran , Maibe ba dada`un ne`e Kontinua La`o hanesan bain – bain. Ito
