LOSAPOLOS RCL VOX POPULY =Komunidade iha Municipio Lautèm , sente Triste ho Tarèfa Bis Dirasaun Dili Lospalos nebe Aumenta Husi Dolar Walu to`o Dolar Sanolu Resin Rua ($ 8 00 – $ 12 00 ,tamba ho Rendimento Povu nebe sei hakdasak , nune`e Husu ba Estado Atu bele Kontrola.
Rajaun hasa`e Tarèfa Bis ne`e sa`e bazèa ba Folin Kombustivel iha Nasaun ne`ebe Aumenta Husi Dolar Ida Centavos Sanolu resin Lima , sa`e ba Dolar Ida çentavus Ha`at nolu resin Lima , no Pòsibilidade sei aumenta tan , karik Estado la Kontrola .
Komunidade Suco Home Postu Administrativu Lospalos Rùizina Viegas Sente katak , nudar Comunidade nebe ho Rendimento Hkadasak Triste tamba Tarèfa Bis Lospalos Dili Nebe Aumenta Husi Dolar Walu to`o Dolar Sanolu Resin Rua ($ 8 00 – 12 00) , Nune`e Husu ba Governo , liu liu Ministèrio nebe Relevante atu Kontrola Folin Mina no Transporte Publico nian .
‘’ Nudar Komunidade nebe ho ami nia Rendimento Ekonomia nebe sei hakdasak ne`e , Sente Tristè ho Folin Kombustivel nebe Sa`e hodi Prejudika mos ami nia Viazen Husi Lospalos Dili hodi ba hare Ami nia Oan Sira nebe Eskola , Nune`e ami Husu ba Governo ,liu-liu Ministèrio nebe relevante atu Kontrola assuntu ida ne`e ‘’ Tenik Rùzinha .
Husi sorin seluk Komunidade Suco Fuiloro Aldeia Lospala Postu Administrativu Lospalos Adelina da Costa mos sente la satisfàs ho Tarèfa Bis Dirasaun Lospalos Dili nebe Aumenta hodi Prejudika ba Viajen Komunidade husi Lospalos ba Dili.
‘’ Komunidade ho Rendimento Moris la sufisiente ne`e sente la Justu ho Bis Na`in nebe foti Desijaun Mesak hodi hasa`e Tarèfa sen Aprovasaun Legàl husi Estado , nune`e Prejudika Tebes ba Komunidade sira nebe atu halo Viazen Husi Lospalos Dili , Nune`e ami Nudar Komunidade Husu ba Na`in ba Bisatu Mantein Tarèfa ne`e , no ami husu mos ba Estado Atu Kontrola Folin Kombustivel iha Mercado nian ‘’ Adelina Haktuir.
Alende ne`e , Tomazia dias Ximenes Nudar Pasagèiru husi Dili mai Lospalos Sente , triste tamba tan De`it Folin Mina Aumenta Centavos tolu nolu , Tarèfa Transporte Aumenta ne`e , ne`e laiha Logika tamba Kondutor sira hasa`e Tarèfa la liu husi Desijaun Governo .
‘’ Nudar Pasagèiro ida nebe foin to`o Husi Dili Mai Lospalos , Sente Triste tamba Tarèfa Bis Nian Sa`e Derepente , maske Folin Kombustivel Aumenta Centavos 0,25 , Maibe Tarèfa Bis nian Aumenta Dolar Rua , ne`e Laiha Logika , Nune`e Ami nudar Povo no Pasagèiro Husu ba Governo , liu-liu Ministèrio Relevante atu Kontrola Tarèfa ne`e , tamba Tarefa ne`e sa`e laiha Desijaun husi Governo ‘’ Deklara Tomazia.
Hatan ba Questaun ne`e , Dirètòr Dirasaun Transporte Terrestre Municipio Lautèm Edy Korea Lemos Deklara katak , Kona Tarèfa Transporte Pùblico ne`e , DTT Municipio Labele foti Desijaun , tamba Desijaun ne`e sei hasai husi Nasional , tamba Municipio nudar Ejekutador .
‘’ Ami Parte Dirasaun Transporte Teresstre Municipio nian , labele Foti Desijaun kona ba Tarèfa Transporte no Folin Mina nian , maibe Desijaun tomak iha Nivel Nasional , ami somente Ejekuta Ordem Superior Sira , Nune`e Dirasaun Transporte Terestre Iha Nasional mak sei foti Desijaun no Kontrolamento Tarèfa no Folin Mina nian ‘’ Declara Director DTT Municipio Lautem.
Maske Desijaun Governo nian kona ba Folin Mina no Tarefa Transporte Pùblico sida`uk Tun , maibe Kondutor Sira hahu Aplika ona Tarefa Husi Dolar Walu sa`e ba Dolar Sanolu ho Rajaun Rendimento Kondutor nian hodi Estor ba Na`in Kareta hahu Menus hodi prejudika ba sira nia Slario Mensal .
Jornalista:Silisi
Editor:NP
