Lore RCL VOX POPULY = Maske ho Distànsia nebe do`ok husi Centru Votasaun no Estasaun Votus , maibe Povu esforsu hodi Kumpri Dever sidada`un nian , la`o mai iha Centru Votasaun Ezerse Sira nia Direitu Votu , hodi Hili Nia Prezidente da Repùblica ba Periodu tinan Lima , tamba Povu Konsiente katak , Votu ida sei halo mudansa Futuru Povu no Nasaun nian .
Tersa Feira Tuku 7 Dader to`o Tuku 3 Lolos Lorokraik , Povu Timor Leste , liu-liu iha, Posto Administrativu Lorè , Municipiu Lautem , ho Idade Avansadu no kondisaun Sa`ude la Permiti , maibe haka`as , A`an hodi tama ona Fileira de Votasaun , hodi Ezerse dala ida tan Sira nia Votus , tamba Votus nebe sira fò nùdar Votus Dezenvolvimento Povu no Nasaun nian.
Antòniu Gomes nudar sidada`un ida iha Posto Lorè ,ba Jornalista RCL tersa Feira 19 / 04 / 2022 Iha Postu Administrativu Lorè Sente Orguilho , tamba sei hetan Oportunidade dala ida tan hodi bele Ezerse sira nia Votus liu husi Elisaun Presidensial Segunda Volta nian , hodi Hili Xèfe Etadu ba povu no Nasaun Democràticu ida ne`e .
Nia haktuir , Elisaun Segunda Volta ida ne`e nudar Sinal Democrasia no Unidade , hodi Selebra Festa Democrasia iha rai doben ida ne`e , no Hatudu Sistema Democràsia ba Mundu Internasional , tamba Elisaun Segunda Volta la`o ho Hakamatek no Trankuilidade nia laran, neduni Husu ba Kandidatu Prèsidente ida nebe hetan fiar Husi Povu , Tengki toma atensaun ba Problema Povu nian , nebe durante ne`e infrenta.
‘’ Hau Sente Orguillõ , tamba sei hetan Oportunidade dala ida tan hodi bele Ezerse sira nia Votus liu husi Elisaun Presidensial Segunda Volta nian , hodi Hili Xèfe Etadu ba Nasaun Democràticu ida ne`e, Elisaun Segunda Volta ida ne`e nudar Sinal Democrasia no Unidade nebe Metin , hodi Selebra Festa Democrasia iha rai doben ida ne`e , no Hatudu Sistema Democrasia ba Mundu Internasional , tamba Elisaun Segunda Volta iha Postu Lorè la`o ho Hakamatek no Trankuilidade nia laran , neduni Nudar sidadaun ida , Husu ba Kandidatu Presidente da Republika nebe hetan fiar husi Povu hodi tu`ur iha Palaciu Presidente Nikulau Lobatu Aitarak laran , atu bele tau atensaun ba Problemas Esensial nebe Povu Infrenta , tamba Povu Kumpri ona nia Dèver ho Responsabilidade , Prezidente da Repùblica nebe Hetan Votus Maioria , tengki Kumpri Direitu Povu nian ‘’ Tenik Antoniu Gomez ba Jornalista RCL iha Postu Lorè ,
Municipiu Lautèm Tersa Feira 19/04/2022.
Husi sorin seluk sidadaun ida iha Postu Antigu Lorè , Sucu Lorè Primeiru Sarmento Ximenes hateten , Entre Kandidatu Prèzidente Na`in Rua Ida mak Eleitu sai Prèzidente da Repùblica sei sai Prèzidente ba Nasaun Timor Leste no Povu Timor Tomak , Nune`e ita tengki kria nafatin Unidade no Sòlidu hodi mantein ba Paz no Estabilidade .
‘’ Hau sente ,entre Kandidatu Prèzidente Na`in 2 nebe tama iha Elisaun Segundu Volta nian , ida mak Eleitu ba Prèzidente da Repùblica ne`e , sei sai prèzidadente ba Povu hotu iha Nasaun ida ne`e , la`os Prèzidente ba militante no Apoiantes Partidu nian de`it , nune`e nudar Povu no Joven Timor Leste , ita tengki kria nafatin Unidade no Sòlidu , hodi mantein ba Paz no Estabilidade , ita hotu espera prèzidente foun nebe eleitu husi povu tomak iha nasaun Democràticu ida ne`e , bele hare`e problema Sosial no Dezenvolvimentu nebe durante ne`e povu Infrenta , tamba ami Povu la ezizi buat barak , ùnicu Dezenvolvimentu sustentavel ba povu no Nasaun Timor Leste , nune`e Povu bele moris ho dignu iha nia rain rasik
‘’.Hateten Sarmentu Ximenes iha Postu Antigu Lorè nian.
Husi Fatin Diferente , Votantes ida husi Sucu Lèuru ,Postu administrativU Lospalos , Verònica dias Quintas hateten , nudar povu no sidada`un ida , sente orgullõ no kontente , tamba bele mai Vota ho Livre no Paz , no Votu ida nudar votu ba Dezenvolvimentu .
‘’ Nudar Povu no sidada`un ida iha nasaun ida ne`e , sente orgullõ no kontente , tamba hau bele mai vota iha hau nia Sucu ho livre no Pàz , maske hau husi do`ok , maibe hau esforsu natafin , hodi mai Ezerse hau nia votu iha hau nia Sucu nebe hau resensia ba , tamba hau nia votu , hau garante sei lori Dezenvolvimentu sustentàvel , maibe hau husu ba kandidatu president nain 2 , karik entre sira , ida sa`e ba Prèsidente karik , tengki hare`e mos ami nia moris , no Promulga orsamentu tuir duni nececidade povu nian , nune`e ami povu bele sente Dezenvolvimento no moris diak iha Nasaun ida ne`e , Deklara Verònika.
Entretantu; Hanesan Prèzidente da Repùblica nebe Eleitu husi Povu , tengki fila fali ba Povu no Nasaun ida ne`e , nune`e Povu bele fiar Promesas no Kompromisiu Politika nebe hato`o liu husi Palku politika iha Teritòriu timor tomak , liu-liu iha Municipiu Lautem.
Jornalista ; ACI
Editor ; NP
