LOSPALOS RCL VOX POPULY =Mudansa Climatiku , Prejudika ba Progresu Konstrusaun uma Eskola Ensinu Secundaria Tekniku Vokasional (ESTV) numeru 1 Lospalos nebe konstrui husi Kompania Lero Unipessoal Lda , ne`e hahu iha Loron Rua nolu resin Ne`en Fulan Novembro Tinan Rihun Rua , Rua nolu resin Ida (26/11/2022) to`o agora fizikamente foin atinji Porsentu Ha`at nolu (40%).
Diretòr Kompania Lero Unipessoal Lda, Alu da Costa ba Jornalista RCl iha Nia Rezidensia Kinta feira ne’e hateten , dadaun ne’e prosesu konstrusaun Foun Uma Eskola eskola Ensinu Secundaria Tekniku Vokasional (ESTV) numeru 1 Lospalos ida ne’e kontinua la’o maibe sei remata ho tarde , tamba Mudansa Klimatika , inklui Folin Matèrial Konstrusaun nebe kontinua aumenta.
Nia Declara , Alende Mudansa Klimatika , Kompainia Refere mos Infrenta Problema kona ba Folin Material Konstrusaun komesa Aumenta iha Teritoriu Timor Leste , inklui Municipiu Lautèm , Tamba Folin Material ne`e Diferente ona ho Osan nebe BOQ , nune`e difikulta Prosesu Konstrusaun refere .
“ Agora ami nia projetu hala’o besik fulan 4 ona mais iha Janeiru nia laran Udan ne’ebe hanesan iklima mak halo dala ruma Konstrusaun Uma Eskola ne`e sei la remata tuir Durasaun tempu determinadu ne’ebe ami sei halo karta Justifikasaun ba edukasaun ba Projètu Na`in , Ministèriu Edukasaun , mtamba lolos tuir durasaun tempu Projetu ida ne`e remata ona iha Loron 26 Maiu Tinan ida ne`e , maibe dala ruma labele tuir nia tempu ona , nune`e mos ami nia difikuldade ida mak Folin Material Konstrusaun agora la hanesan ona ho Orsamentu nebe iha BOQ,” dehan Alu da Costa ba Jornalista RCL Kuinta Feira 28/04/2022 ne’e.
Diretòr Kompainia Lero ne`e Declara tan Maske maske Kompania Infrenta Problemas kona ba Mudansa Klimatika no Folin Material Konstrusaun Sa`e , maibe sei la Impede Projectu ida ne`e , no sei Esforsu nafatin hodi Finaliza Projetu ne`e ho Responsabilidade .
“Hakarak lakoi ne’e ami nia Responsabilidade ne’ebe ami sempre finaliza projetu ne’e , maske ho Problema Mudansa Klimatika no Problema sira seluk maibe hakarak ka lakoi ami tengki halo hotu , tamba nudar Kompania ida simu nia konsekuensia no responsabiliza , tamba ida ne`e ami nia Responsabilidade , no Parese Projetu ne`e remata iha Fulan 3 tan .’’ Nia Dèclara.
Entertantu : Konstrusaun Uma Eskola Tolu ho Medida Diferente , ida ho medida Trinta vezes nove (30×9) no rua seluk Trinta Tres Vezes Nove ( 33×9) , ho Gastus Orsamentu hamutuk dolares Americanu Rihun Atus Tolu resin Hitu , Atus hitu Sanolu resin Ne`en , Centavus Ne`en nolu resin lima ($ 307,716,65)
Jornalista:Ito&sida.
Editor:NP
