LOSPALOS RCL VOX POPULY =Servisu Edukasaun Municipal, no Servisu Municipal Sa`ude Municipiu Lautèm , sei halo Susèsu Programa Vàsinasaun Pfizer iha Municipiu Lautèm , tamba Parte Educasaun ho Sa`ude iha koperasaun diak hodi apoia malu ba programa Nasional ida ne`e
Programa Vàsinasaun Pfizer ne`e , nudar dalan ida hodi Prevene Labarik sira husi Tinan Sanolu resin Rua to`o Menus Sanolu resin Walu husi Covid-19 iha Nasaun ida ne`e , liu-liu iha Municipiu Lautèm
Diretòr Educasaun Munisipio Lautem Rui Manuel Da Costa Branco liu husi Programa Talk show Radiu Quarta Feira 11/05/2022 ne`e hateten , Parte Edukasaun iha Responsabilidade moral hodi , alerta Manorin sira hamutuk ho Profesional Sa`ude sira hodi halo advokasia no sosializa Importansia husi programa Vàsinasaun ida ne`e ba Inan aman no estudante sira , nune`e bele la`o ho diak .
‘’Politika ministèrio Educasaun mak oinsa fo dadus ba Parte saude hodi bele alkansa vàsinasaun ne’e bele lao diak , maibe la para iha ne’e deit tamba dala ruma impaktu ne’e rua sosialijasaun primeiru mak ne’e inan aman tenki komprende saida mak vasina dala rua , daruak inan aman kuadu admite para nia oan ne’e vasina dala ruma nia oan mak lakoi fali vasina, etaun ita tenki buka meus oinsa para diretòr tenki fo dadus laos fo hatene alunus ida-idak maibe tenki ba centru atu bele hatene labarik nain hira mak la vasina no nia rajaun saida mak nia la vasina hodi ida nemak ita buka nia solusaun oan’’ Hateten Diretòr Educasaun Munisipio Lautem Rui Manuel Da Costa Branco liu husi Programa Talk show Radiu Quarta Feira 11/05/2022 ne`e.
Iha fatin hanesan Responsavel Programa Imunizasaun Municipiu Lautèm Antòniu Bernadinu hateten , Atu kombate moras Covid-19 ba Povu inklui Labarik sira iha teritoriio Timor Leste , inklui Munisipio Lautèm , ministèrio sa`ude serviso hamutuk ho organijasaun munidia saude ka OMS Implementa Programa Vàsinasaun ba Povu no Labarik sira ho idade 12 too menus 18 .
Antìniu mos afirma , Programa Vasina Pfizer nebe durante nee halo iha kada eskola nee efetivo tebes ba labarik estudante, no vasina Pfizer nee mos lataka dalan ba komunidade sira nebe mak idade idojus .
‘’ tuitr lolos vasina Pfizer nebe durante nee halo iha kada eskola nee evetivo tebes tebes ba labarik estudante sira ho idade sanolu resin rua too menus sanolu resin walu /no vasina Pfizer nee mos lataka dalan ba komunidade sira nebe mak idade idojus nebe hakarak simu vasina pfizer ita parte saude sei fo nafain nunee bele hasae no haforsa labarik no komunidade sira nia imunidade hodi kontra moras Covid 19 .’’ dehan Atonio bernadino iha programa Radio Talk Show quarta feira 11/05/2022
Entertantu ; Programa Vàsinasaun ida ne`e nudar Programa Nasaun nian , hodi bele Prevene Povu sira husi Virus Covid-19 nebe dada`un ne`e Mundu Infrenta , inklui Nasaun Timor Leste , no Vasinasaun ida ne`e nudar Lutu ida nebe metin iha ita nia isin , hodi satà Virus hoti-hotu , liu-liu Virus Covid-19 nian.
Jornalista:sinta&ere
Editor:NP
