Lorè RCL VOX POPULY = Viçe Secretariu Zona 5 Eco Lorè Sabadu 21/05/2022 foin lala`is ne`e , husu ba Povu Lorè tomak , hodi tàne às no Respeitu Loron Nasional sira , liu-liu selebrasaun loron Heroi sira nian , hodi Hari`i Bandera RDTL Iha ida-idak nia Uma oin, hodi hatudu sentidu kondolensia ba Heroi sira nia mate.
Viçe Secretariu Zona 5 Eco, Antoniu Gomez Laiara kasu lia hirak ne`e iha Serimonia Enseramentu Servisu Verifikasaun iha Sucu Lorè 1º , tamba tuir nia observasaun iha terènu durante ne`e katak povu barak mak la hari`i Bandeira RDTL iha sira nia uma oin.
Tuir Laira katak , atu dignifika no valoriza ba Martir Libertasaun Nasional nebe sacrifika A`an ba funu ita nebe sei moris tengki haka`as àn hodi Hari`i Bandera iha kada uma oin , tamba rezultadu husi sira nia Funu mak ohin loron ita halo Verifikasaun ba Kombatentes libertasaun Nasional iha Rai Lorè ida ne`e .
‘’Hau aproveita serimonia Enseramentu ida ne`e , atu husu ba Povu Lorè atu Respeita no tàne às Màrtir funu libertasaun Nasional , tamba durante ne`e hau observa povu barak mak la hari`i Bandera RDTL iha ida-idak nia uma oin iha loron Nasional , liu-liu loron Eroi sira nian,no ida ne`e ita la tau Konsiderasaun diak ba ita nia emar sira nebe Sacrifika sira nia A`an ba Funu Libertasaun Nasaional , no rezultadu husi sira nia luta mak ohin loron ita nebe sei moris hahu rezistu no Verifika dadus Combatentes sira iha Rai Lorè ida ne`e , ne`e duni hau husu dala ida tan , ba oin povu hotu-hotu tengki dada Bandera RDTL iha ida-ida nia uma oin , hodi hatudu ita nia sentidu kondolensia ba ita nia Luta Na`in sira nebe mate tamba rai ida ne`e ‘’ Hateten Viçe Secretariu Zona 5 Eco, Antoniu Gomez Laiara iha Serimonia Enseramentu Servisu Verifikasaun iha Sucu Lorè 1º Sabadu 21/05/2022 foin lala`is ne`e.
Entretantu ; dada Bandera RDTL iha kada uma oin , nudar kontribuisaun ida hodi Valoriza no tàne Às luta na`in sira nia sacrifisiu tomak hodi luta to`o lakon vida , hodi liberta rai doben timor Leste , to`o agora ita bele hetan indepedensia . ACI
